बृहद डालस एसियन समुदायमा नेपालको पहिचान प्रस्तुत

बृहद डालस एसियन अमेरिकन च्याम्बर्स अफ कमर्सले आफ्नो बार्षिक एसियन फेस्टिवल सम्पन्न सम्पन्न गरेको छ । एसियन फेस्टिवलमा एसियामा अवस्थित राष्ट्रहरुका आप्रबासीहरुले आफ्ना सास्न्कृतिक र अन्य पहिचानहरु प्रस्तुत गर्ने गर्छन । उक्त संगठनमा नेपाज ग्रुपले बिगत ४ बर्ष देखि नेपालको प्रतिनिधित्व गर्दै आएको छ । जुन १५ शनिवार आयोजित उक्त फेस्टिवलमा पनि नेपालको पहिचान झल्काउने बस्तुहरु सहित नेपाल प्याभिलियन (स्टल) राखिएको थियो ।

बृहद डालस एसियन अमेरिकन च्याम्बर्स अफ कमर्स १९८६ मा स्थापित भएको हो । यसको उद्देस्य कनेक्ट अर्थात् जोड्ने, एजुकेट अर्थात् सिकाउने र इम्पावर अर्थात् बलियो बनाउने भन्ने रहेको छ । त्यसको लागि एसियन नेपाली समुदायका आप्रबसिहरुलाइ ब्यापार लगायत अन्य क्षेत्रमा अगाडी बढ्न बिभिन्न खालका श्रोतहरु उपलब्ध गराउने, उनीहरुलाई आबस्यक ज्ञान र शिपको तालिम दिने लगायतका काम गर्छ । एसियामा रहेको बिबिध सांस्कृतिक पहिचानलाई उजागर गर्दै एकअर्कासंगको भाइचारा वृद्धि गर्न बार्षिक रुपमा एसियन फेस्टिवल आयोजना गर्दछ ।

२०१९ को एसियन फेस्टिवलमा पनि बिगतमा जस्तै एसियाका बिभिन्न देशहरुका पोशाक, नृत्य, गीत एबम संगीतहरु प्रस्तुत गरिएका थिए । भियतनाम, भारत, चीन, नेपाल लगायतका एसियन राष्ट्रहरुका प्रस्तुतिहरु चर्को घामका बाबजुद दर्शकहरुले धैर्यतापुर्बक अबलोकन गर्नुका साथै पहिचानका बस्तुहरु खरिद गरेका थिए । नेपाली स्टलमा बुद्धका मुर्ति, नेपालका भौगोलिक सौन्दर्यका चित्रहरु, नेपाली खुकुरी र ढाका टोपी एबम अन्य बस्तुहरु प्रदर्शन एबम बिक्रीको लागि राखिएको थियो ।

नेपालको तर्फबाट डालसको नेपाली समुदाय र समग्र नेपालको छोटो परिचय नेपाली टोलीका संयोजक एबम संस्थाका डाइरेक्टर सबिन्द्र थापाले गर्नु भएको थियो । “किनिदेउ न साहिंला दाइ” शिर्षकको गीतमा सुन्दर नेपाली पोशाकमा शर्मिला लामिछानेले नृत्य प्रस्तुत गर्नु भएको थियो भने डालसमा चर्चित नेपालीहरुको सांगीतिक ब्याण्ड “एफ वान” ब्याण्डले बाँसुरी, मादल, गितार लगायतको बिशिस्ट खालका नेपाली सांगीतिक धुनहरु प्रस्तुत गरेको थियो ।