बिस्वकप २०१८ को पहिलो चरणमा कुन देश को संग खेल्दैछन ?

१४ जुन देखि १५ जुलाई सम्म रसियामा हुन लागेको बिस्वकप २०१८ को ज्वरो दिनदिनै बढ्दै गएको छ। बिभिन्न देशका फ्यानहरुले आफ्नो मनपर्ने टीमको नाममा जर्सी किन्ने देखि बाजी थाप्ने काम समेत शुरु गरिसकेका छन्। सामाजिक संजालमा एक अर्का प्रति व्यंग्यबाण प्रहार गर्ने देखि बादबिबाद सम्म गर्न थालिसकेका छन्। बिशेष गरी नेपाली फुटबल प्रेमी फ्यानहरु जर्मनी, अर्जेन्टिना, बेलायत र ब्राजिलको पक्षमा तर्क बितर्क गरिरहेका छन्। आयोजक रसियाका खेल हुने स्टेडियम भएका शहरहरुमा चहलपहल र सुरक्षा स्थिति दुरुस्त बनाइएको छ।
फिफा बिस्वकपको स्थापना जुलाई १९३० मा शुरु भएको हो। हरेक ४ बर्षमा हुने बिस्वकप फुटबल अहिले सम्म २० पटक सम्पन्न भैसकेको छ। उरुग्वेबाट शुरु भएको बिस्वकप दोश्रो बिस्वयुद्धको कारण १९४२ र १९४६ मा हुन सकेन। २० वटा खेलमध्ये ५ वटा ब्राजिलले जितेको छ भने दोश्रोमा जर्मनीले ४ वटा जितेको छ। संसार भरिका देशहरुबाट छनोट चरणका खेलहरुबाट ३२ वटा टीम छानिन्छन। आयोजक राष्ट्र स्वतः छानिन्छ भने ३१ वटा देशहरु बिभिन्न चरणका खेलबाट छानिएर आउँछन्।
रसियामा आयोजना हुने यो बिस्वकपमा छानिएर आएका टीमहरुमा ब्राजिल, इरान, जापान, मेक्सिको, बेल्जियम, दक्षिण कोरिया, साउदी अरेबिया, जर्मनी, स्पेन, नाइजेरिया, कोस्टारिका, पोल्याण्ड, इजिप्ट, आइसल्याण्ड, सर्बिया, पोर्चुगल, फ्रान्स, उरुग्वे, अर्जेन्टिना, पनामा, कोलम्बिया, सेनेगल, मोरक्को, ट्युनिसिया, स्विट्जर्ल्याण्ड, क्रोयसिया, स्विडेन, डेनमार्क, अस्ट्रेलिया, पेरु र आयोजक राष्ट्र रसिया रहेका छन्। पहिलो चरणको खेलमा को को खेल्दैछन, तालिका हेर्नुस :