अमेरिकामा बलेवा समाज गठन, अध्यक्षमा अधिकारी
न्यूयोर्क अमेरिका
बाग्लुङको बलेवा क्षेत्रबाट अमेरिकामा बसोवास गर्नेहरुको साधारण भेलाले अनिल अधिकारीको अध्यक्षतामा ११ सदस्यीय तर्दथ समिति चयन गरेको छ । समाजको बृहत्तर हितमा हामी नेपाली भन्ने नाराका साथ आयोजना गरिएको भेलाले वरिष्ठ उपाध्यक्षमा टुकनाथ शर्मालाई चयन गरेको छ ।
यस्तै समितिको उपाध्यक्षमा प्रकाश जिसी र नवराज पन्त रहेका छन् । यस्तै समितिको महासचिवमा कृष्णराज सुवेदी, सचिवमा कृष्ण पौडेल, सहसचिवमा विन्दु पौडेल थपलिया, कोषाध्यक्षमा डोलेन्द्र पौडेल, सदस्यहरुमा इश्वर शर्मा, बाशु पौडेल र हिमाल शर्मा रहेका छन् ।
भेलाले जनसम्पर्क समितिका पूर्व संयोजक विष्णु सुवेदीलाई बलेवा समाज अमेरिकाको संरक्षक तोकेको छ । यस्तै भेलाले सल्लाहकारहरुमा दुर्गाप्रसाद श्रेष्ठ, कृष्ण जिसी, शकश जिसी, प्रकाश श्रेष्ठ र धनबहादुर खत्रीलाई चयन गरेको छ ।
सामाजिक काम गर्ने उदेश्यका साथ गठन भएको बलेवा समाजले आफ्नो क्षेत्रमा भैपरि आउने सामाजिक काममा सहभागिता जनाई सहयोग गर्ने, सिंगो देशभर हुने बिभिन्न अप्ठ्याराहरुमा सहयोगी सस्था बन्ने उदेश्य राखिएको समाजका अध्यक्ष अधिकारीले जानकारी दिएका छन् ।
अधिकारीले भने, हामी भौगोलिक हिसाबले हामी धेरै टाढा छौं, तर हाम्रो मन हामी हुर्केको गाउँघरमा सँधै भईरहन्छ, यसर्थ हामी
हाम्रो क्षेत्रमा भैपरि आउने समस्यामा सहयोगी बन्नका लागि समाज बनाइएको छ ।
उनले समाजको नाम बलेवा दिइएको भएपनि देशभर सामाजिक हिसाबले सहयोग गर्ने उदेश्यका साथ समाजको गठन गरिएको जनाए । यस्तै भेलाले अमेरिकाको कानुन अनुसार सस्था दर्ता गर्ने, अमेरिकाभर भएका बलेवा क्षेत्रबाट प्रतिनिधित्व गर्नेहरुलाई साधारण सदस्य बनाउने निर्णय गरेको छ ।
यस्तै कार्यसमितिमा रहेका पदाधिकारी सहित सदस्यहरुबाट प्रतिव्यक्ति एक सय डलर जम्मा गर्ने निर्णय भएको समाजका कोषाध्यक्ष डोलेन्द्र पौडेलले जानकारी दिएका छन् ।
बलेवा समाज अमेरिकाले तिलकबम मल्ल साँझ आयोजना गर्ने
न्यूयोर्क अमेरिका
बलेवा समाज अमेरिकाले दशै तिहारको उपलक्ष्यमा शुभकामना तथा तिलक बम मल्ल साँझ गर्ने भएको छ । समाजले यही आउँदो असोज २९ गते अर्थात अक्टोवर १५ तारिखका दिन तिलक बम मल्ल साँझको आयोजना गर्दैछ ।
दशै तिहारको शुभकामना सहित समाज गठन भएको पहिलो सांगितिक कार्यक्रमका रुपमा तिलक बम मल्ल साँझको आयोजना गर्न लागिएको समाजका अध्यक्ष अनिल अधिकारीले जानकारी दिएका छन् ।
ट्याक्सी गुड्यो सरर् पोखराको बजार, मुटु छुने लुम्लेको हावाले, भोटे ताल्चा मारेर छातिमा लगायत दर्जनौं चर्चित गितका गायक तथा शब्द शंलक मल्ल लोक पप गायकका रुपमा परिचित छन् ।
बलेवा समाजले आयोजना गर्न लागेको कार्यक्रममा अन्य स्थानिय कलाकारको समेत सहभागिता रहने जनाइएको छ । कार्यक्रम सम्पन्न गर्नका लागि धनबहादुर खत्रीको संयोजकत्वमा ३ सदस्यीय समितिले समेत बनाईएको छ । समितिको उपसंयोजकमा नवराज पन्त र समिति सदस्यमा डोलेन्द्र पौडेल रहेको जनाइएको छ ।
