हेमन्त खड्का र कृष्ण आचार्यको प्रदेशीको दशैं भाग दुई (भिडियो सहित)
अघिल्लो बर्ष प्रदेशीको दशैं एल्वमबाट चर्चा कमाएका सर्जक तथा गायक हेमन्त खड्का र कृष्ण आचार्यको नयाँ कोशेली प्रदेशीको दशैैं भाग दुई बजारमा आएको छ ।हमाल म्युजिकको सबै भन्दा धेरै हेरीएको म्युजिक भिडियो बनेको प्रदेशीको दशैंको सफलतालाई निरन्तरता दिँदै यो बर्ष पनि भाग दुई सिर्जना गरिएको खड्काले हामीलाई बताउनु भयो ।सञ्चार क्षेत्रमा लामो अनुभव भएका सर्जक कृष्ण आचार्यले शव्द सिर्जना गरेको सो गीतमा हेमन्त खड्काले लय सिर्जना गरेका छन ।
प्रदेशमा रहेर दशैं तिहारमा नेपाल आउन नसकेको विषय बस्तुलाई गीतले उठाउन खोजेको छ । साथै प्रबाशीहरुको पिडालाई समेत गीतले समेटेको छ । हामी सँग कुरा गर्दै गायक खड्काले हाम्रो गाउँ घरमा भएका र घटेका घटनालाई कलात्मक रुपले गीतमा प्रस्तुत गरिएको छ । खड्काले भन्नु भयो । गीत कतिले हेरे भन्नु भन्दा पनि गीत हेर्ने कतिले मन पराए भन्ने मुख्य कुरा भएको बताउदै उहाँले भाग दुईले पनि स्रोता दर्शकको मन जित्नेमा आफु आशावादी रहेको बताउनु भयो ।
पछिल्लो समय निर्देशनमा चम्कीरहेका निर्देशक प्रेम थापालेनै यो बर्षको गीत निर्देशन गरेका छन भाग एकमा पनि उनैको निर्देशन रहेको थियो । थापाले गीतमा आफुले सक्दो राम्रो गर्ने प्रयास गरेको बताउछन । गीतको म्युजिक भिडियो समेत उत्कृष्ट रहेको छ। नयाँ अनुहारको रुपमा अभिनय गरेका विशाल कार्कीले पनि गीतलाई न्याय गरेका छन उनलाई सोनम मगरले साथ दिएकी छन । गीतमा हेमन्त खड्का र सिता के.सीको आवाज रहेको छ ।
प्रदेशीको दशैंले जस्तो भाग दुईले दर्शक स्रोताको मन जित्न सफल हुन्छ कि हुँदैन त्यो भने समयले देखाउने छ ।
गीतको म्युजिक भिडियो यस्तो छ
