डालस एभरेस्ट लायन्स क्लबको पदभार हस्तान्तरण सम्पन्न: बिएन पन्तले लिए जिम्मेवारी

डालस, जुन २५ आइतबार। डालस एभरेस्ट लायन्स क्लब २००३ देखि डालस फोर्ट वर्थ क्षेत्रमा सक्रिय संस्था हो। यसको केहि समय अघि निर्बाचित कार्यसमितिले आज यहाँ आयोजित एक बिशेष समारोहमा पदभार ग्रहण कार्यक्रम सम्पन्न गरेको छ। उक्त अबसरमा नब निर्बाचित अध्यक्ष बिएन पन्तलाइ निबर्तमान अध्यक्ष राधाकृष्ण काफ्लेले पद हस्तान्तरण गर्नु भएको थियो । अर्भिंग स्थित स्थानिय रमाइलो रेस्टुरेन्टमा सम्पन्न उक्त कार्यक्रममा डालस वरपर रहेका बिभिन्न संघ संस्थाका प्रतिनिधिहरुको उल्लेख्य सहभागिता थियो।
लायन्स क्लबको आफ्नै बिस्वब्यापी मान्यता छ। “म सेवा गर्छु” भन्ने यसको मुख्य नारा हो। बिस्वभर यसका १४ लाख भन्दा बढी सदस्यहरु छन्। डालस एभरेस्ट लायन्स क्लब यहि बृहद संजालको एक अंग भएको नाताले यसले गर्ने कार्यक्रमहरु अन्य ठाउंहरु भन्दा भिन्नै तरिकाले संचालन गरिन्छ। ‘पदमा साझेदारी र काममा बराबरी” यसको अर्को पाटो हो। सेवा गर्न जाने थलो भएकोले अध्यक्ष हुन जात फाल्ने काम यसमा हुन्न। सेवा गर्न पद चाहिन्न भन्ने गहिरो बुझेकाहरु नै त्यहाँ जाने भएकोले पदिय झैझगडाको त्यहाँ गन्ध आउँदैन।
आज भएको उक्त कार्यक्रम संचालको क्रममा लगभग सबैलाई भूमिका प्रदान गरियो । ६ बजे शुरु हुने भनिए पनि प्रक्रियागत समस्याका कारण अलि ढिलो शुरु हुन पुगेको पदभार हस्तान्तरण कार्यक्रममा केहि अमेरिकी मुलका लायन्सहरु थिए भने अन्य सबै नेपाली मुलका व्यक्तिहरु थिए।कार्यक्रमको शुरुवात अध्यक्ष राधाकृष्ण काफ्लेले गर्नु भएको थियो भने मकर बज्राचार्यले टेक्सासको झन्डा प्रति सद्भाव शव्द, महेन्द्र पौड्यालबाट प्रतिबद्दता, दोश्रो भिपी थलराज पन्तले आगन्तुकहरुको परिचय गराउनु भएको थियो र लगत्तै आंचल श्रेष्ठको उत्कृस्ट नृत्य प्रस्तुत गरिएको थियो।

कार्यक्रमको दोश्रो भागमा कोशाध्यक्ष मीना छेत्रीले गत बर्षको आय व्ययको इतिश्री जानकारी दिनु भएको थियो । सुरेश बस्यालले महासचिवको प्रतिबेदन, स्किप जोन्सनद्वारा नयाँ सदस्यहरुको परिचय, ओएइन मिचमद्वारा लायन्स र लियोका सदस्यहरुको स्थापना, सुलोचना ढकालको उत्कृस्ट नृत्य, द्वितीय सह गभर्नर बिनोद माथुर, नेपाली समाज टेक्सासका अध्यक्षको सम्बोधन कार्यक्रमका आकर्षणहरु थिए।
अन्त्यमा निबर्तमान हुन लागेका अध्यक्ष राधाकृष्ण काफ्लेले आफ्नो कार्यकालभरी गरेको सहयोगको लागि आभार व्यक्त गर्दै सो अबधिमा क्लबमा सक्रिय रुपमा लाग्नेहरुलाई प्रशंशा पत्र प्रदान गर्नु भएको थियो। नब निर्बाचित अध्यक्ष बिएन पन्तले पुरानो कार्यसमितिलाई जस्तै आफुलाई पनि समुदायको सहयोगको अपेक्षा गरेको जानकारी गराउंदै आफ्नो लायन्सको लामो यात्रामा सहयोग गर्ने आफ्नो परिवार, साथीभाई र समुदायका व्यक्तिहरुको भूमिकाको प्रसंसा गर्दै यसले आफुमा सेवा गर्न जाँगर अरु बढेको कुरा व्यक्त गर्नु भएको थियो। उपस्थित सम्पूर्णलाइ धन्यवाद ज्ञापन गर्दै पन्तले कार्यक्रमको समापन र डिनरको लागि अनुरोध गर्नु भएको थियो ।