टेक्सासमा नेपाल अमेरिका पत्रकार संघले सांगीतिक साँझ गर्ने

अमेरिका । अमेरिकामा तेस्रो नेजा नाईट नामक सॉगितिक कार्यक्रमको तयारी अन्तिम चरणमा पुगेको छ । उत्तर अमेरिकामा वस्ने नेपालीमूलका पत्रकारहरूको छाता संगठन नेपाल अमेरिका पत्रकार संघ, नेजाले नेजा नाईट नामक सॉगितिक कार्यक्रमको आयोजना गर्न लागेको हो । घटना – दुर्घटनामा पर्ने पत्रकारहरूको सहयोगार्थ आपतकालिन कोषको लागी नेजाले आगामी जुन १७ तारिखमा आयोजना गर्न लागेको जनाएको छ ।

ख्यातिप्राप्त नेपाली कलाकारहरू विभिन्न सॉगितिक प्रस्तुतीहरू रहने नेजा नाईटबाट दर्शकहरूलाई मनोरन्जन प्रदान गरिनेछ । नेजाले यस कार्यक्रमको संयोजन गर्ने जिम्मा क्षेत्रिय कोर्डिनेटर किशन रेग्मीलाई दिएको छ । यसअघि नेजाले यस कार्यक्रमलाई न्युयोर्क र भर्जिनियामा सम्पन्न गरिसकेको छ ।