अमेरिकी मूल्य र मान्यताहरु धरापमा परे : ओबामा
डोनाल्ड ट्रंपले रास्ट्रपतिको सपथ लिएको दुइ हप्ता बित्न नपाउंदै देश मुठभेड तर्फ जाने संकेत देखिएको छ । अमेरिकाभर प्रदर्शन शुरु भएका छन् भने पक्ष र बिपक्षमा तिब्र रुपमा ध्रुविकरण शुरु भएको छ । निबर्तमान रास्ट्रपति बाराक ओबामाले अमेरिकी मूल्य र मान्यताहरु धरापमा रहेको भन्दै धारणा सार्बजनिक गरेपछि ट्रंपको ७ वटा देशबाट अस्थायी रुपमा आबासिय र गैर आबासिय भिसा बन्द गर्ने ट्रंपको आदेश राजनीतिक रुपमा अप्ठेरोमा परेको छ । अदालतले यस अघि नै उनको आदेश बिरुद्ध आदेश जारी गरिसकेको छ । संचार उद्योग, मनोरंजन उद्योग, मुस्लिम समुदाय, हिस्प्यानिक समुदाय, डेमोक्र्याट र अधिकांश रिपब्लिकनहरु समेत ट्रंपको यो शैलीको बिरोधमा उत्रेका छन् ।
अर्को तिर ट्रंपको समर्थन गर्ने जमात पनि छ । उनीहरुले ट्रंपले आफु चुनावी अभियानमा बोलेका कुराहरु पुरा गर्न चालेका कदमहरु बिरुद्ध जानु ट्रंपको बिजयलाइ अस्विकार गर्नु हो भन्ने तर्क गरेका छन् । बिगत दुइ हप्ता देखि ट्रंपले हस्ताक्षर गरेका सबै आदेशहरु चुनावी अभियानको क्रममा अत्यन्त लोकप्रिय भएका नाराहरुलाइ सम्बोधन गर्ने उद्देश्यले ल्याइएको छ । उनलाई केहि समय काम गर्न दिएर उनले चालेका कदमहरुले कसरि काम गर्छन भन्ने परिक्षा गर्नुपर्ने उनीहरुको तर्क देखिन्छ । चुनावमा लगाइने नारा जितेपछि पुरा गर्न काम गर्न नपाइने हो भने मुद्धाको आधारमा चुनाव किन लड्नु पर्यो भन्ने उनीहरुको प्रश्न देखिन्छ । सरसर्ती हेर्दा उनीहरुको तर्क ठिकै देखिन्छ । चुनावमा बाचा गरिएका कुराहरु पुरा गर्न पाउनु निर्बाचित व्यक्तिको कर्तब्य मात्र होइन अधिकार पनि हो । तर ती बाचाहरु संबिधान सम्मत छन् वा छैनन्, मूल्य र मान्यताको बिरुद्ध छन् वा छैनन् हेर्ने काम पनि निर्बाचित व्यक्तिकै हुन जान्छ ।
ट्रंपले जारी गरेका आदेश बिना तयारी र हचुवाका भरमा गरिएका छन् । अमेरिकी सरकारले भिसा इस्यु गरिसके पछि उक्त व्यक्तिलाई बिमानस्थलमा गिरफ्तार गर्नु अन्तररास्ट्रिय कानुनको पनि बिपरित हुन जान्छ । त्यस बाहेक अमेरिकी मूल्य र मान्यताको पनि ट्रंपको यो कदम बिपरित देखिन्छ । केहि समयको लागि त यसले संकीर्ण मानसिकतामा शान्ति मिल्ला तर अन्तत्वगत्वा यसले सम्पूर्ण आप्रबासी र अमेरिकी जनतालाई नराम्रो असर पर्ने देखिन्छ । अमेरिका बिरोधि जमात बिस्वमा धेरै छ । देशको नाम र धर्मको नाम किटेर प्रतिबन्ध लगाउने संस्कार अमेरिका जस्तो प्रजातन्त्र, स्वतन्त्रता र मानवाधिकारको प्रबक्ता मानिने अमेरिकाले विकास गर्ने हो भने अरु अतिबादी सोंच भएका मुलुकहरुले के सम्म गर्लान । देशै किटेर र भिसा बोकेर बिदेसिएको एउटा अमेरिकीलाइ अमेरिकन भएकै आधारमा बिमानस्थलमा समातेर केरकार र पक्राउ गर्दा अमेरिकाको सरकारले केहि प्रतिक्रिया दिने नैतिक अधिकार प्राप्त गर्ला ? के त्यो मानबिय सिद्धान्त अनुरुप होला ? प्रश्न गम्भीर रुपमा खडा भएको छ । २ हप्ता नबित्दै पूर्व रास्ट्रपतिले मुख खोल्नु पर्ने परिस्थिति आउनु पक्कै राम्रो संकेत होइन ।
