ओबामाले रास्ट्रपतिको रुपमा आज अन्तिम सम्बोधन गर्दै

आज भन्दा ठिक ८ बर्ष अघि सबैलाई आस्चर्यचकित पार्दै अमेरिकाको रास्ट्रपतिको निर्बाचनमा एक अश्वेत नागरिक निर्बाचित भए । अस्वेतको लागि अमरिकामा लामो समयसम्म विभेद थियो । १९ औं शताब्दीको मध्यतिर मात्र उनीहरुले मताधिकार प्राप्त गरे । लामो संघर्ष पछि मात्र उनीहरुलाई नागरिक सरह व्यवहार गरियो । तर रास्ट्रपति नै बन्न सक्ने स्थिति थिएन । तर उनको बाक्पटुता र तिक्ष्ण बुद्धिका कारण उनि रास्ट्रपति बने । अमेरिकामा इतिहास रचियो ।

उनि रास्ट्रपति भएको कुरा एकाथरी गोरेहरुलाई पटक्कै मन परेन । उनीहरुले मुद्धाको आधारमा समर्थन वा बिरोध गर्ने पद्धति प्रजातन्त्रको उपहार हो । तर प्रतिपक्षिको रुपमा रहेका रिपब्लिकनहरुले ओबामाको हरेक कुरालाई अस्विकार गरे । राम्रो होस् वा नराम्रो होस्, उनीहरुले एउटै स्वरमा बिरोध गरे । पहिलो दुइ बर्ष सिनेटमा र हाउसमा डेमोक्र्याटहरुको बहुमत थियो । त्यो बेला उनले न्युनतम ज्यालादर बढाउने र ओबामाकेयरको नामले चर्चित स्वास्थ्य सम्बन्धि नीति ल्याउन सफल भए । तर २०१० पछि डेमोक्र्याटहरुको बहुमत सिनेट र हाउसमा गुमेपछि ओबामाले खासै केहि गर्न पाएनन । उनलाई अध्यागमन सम्बन्धि कानुन ल्याउन दिइएन । ओबामाले जति राम्रो काम गर्न खोजे पनि रिपब्लिकनहरुले असहयोग गरे । उनलाई गरिखान दिएनन ।

यी र यस्तै अभद्र प्रतिपक्षि व्यवहारका बाबजुद अमेरिकालाइ ठुलो आर्थिक संकटबाट ओबामाले मुक्त गरे । उनले अफिसमा खुट्टो हाल्दा अमेरिकाको आर्थिक अवस्था दयनीय थियो । धेरै अमेरिकीहरुले घर, सम्पति र जागिर गुमाएका थिए । तर उनले बिस्तारै त्यो स्थितिमा सुधार ल्याए र अमेरिकाको अर्थतन्त्रलाइ बलियो बनाए । यो बिचमा उनले रंग, क्षेत्र, जात, धर्म वा अन्य तरिकाले विभेद गर्न नहुने सुधार कानुनहरु निर्माण गरे । समलिंगीहरुको लागि अमेरिकाभर बैबाहिक अधिकार प्रदान गरे । यी र यस्तै प्रगतिशील र समाज सुधारका काम रिपब्लिकनहरुको एउटा तप्कालाई मन परेन । गोराहरुको बर्चस्व चाहने त्यो गुट धनि थियो । त्यसले मेडिया देखि सम्पूर्ण कुराहरु कब्जा गर्यो । ओबामालाई असफल पार्न साम, दाम, दण्ड, भेद सबै प्रयोग गर्यो । शक्ति सन्तुलनको सिद्धान्त अनुसार ओबामाले मात्र चाहेर गर्न केहि सक्दैनथे ।

यी थुप्रै चुनौती पार गर्दै उनले ८ बर्ष पार गरे । उनि पक्कै एक असल र सफल रास्ट्रपतिको रुपमा अमेरिकी इतिहासमा दर्ज हुनेछन । उनले धेरै अमेरिकीहरुलाई हँसाउने प्रयत्न गरे । आफ्नो सम्बोधनमा धेरैलाई लट्ठ पार्ने त्यो हँसिलो अनुहार अब अमेरिकी जनताले देख्न पाउने छैनन् । आज अर्थात् जनवरी १० का दिन शिकागोमा आयोजित एक बिसेष कार्यक्रममा उनले अन्तिम सम्बोधन गर्नेछन एक रास्ट्रपति को रुपमा । पक्कै उनले अमेरिकी जनतालाई आफ्नो भविस्य प्रति आशाबादी रहन त पक्कै भन्ने छन् तर ट्रंप रास्ट्रपति भएको अबस्थामा अब अमेरिकी जनताले रास्ट्रपतिको सम्बोधन आयो भनेर टिभी वरिपरि झुम्मिनु पर्ने अवस्था भने अन्त्य हुने अवस्था देखिन्छ । जे होस्, यो ८ बर्ष अमेरिकी जनतालाई उनले पुर्याएको अतुलनिय योगदानको कदर गर्दै उनको आगामी दिन सुखमय बनोस, यहि नै जाँदा जाँदै उनलाई शुभकामना ।