एनआरएन अमेरिकाको अध्यक्षमा मेरो उम्मेद्वारीको आधार र योग्यता

फेरी एनआरएनको चुनाव हुने दिन नजिकियो। त्यहि ६ महिना जति होला। दुइ बर्ष अघि पनि यसरि नै चुनाव आएको थियो। धेरैले धेरै भाषण गरेका थिए। यसो गर्छु, त्यसो गर्छु भनेर सामाजिक संजाल र फोन लाइनहरु ट्राफिक जाम हुनेगरी भरिएका थिए। म पनि सानोतिनो मान्छे होइन। अध्यक्ष पद पड्काउने हैसियत नभएको होइन तर थुप्रै कारणले म त्यहि बेला उठ्ने आँट गर्न सकिन। परिस्थिति मेरो अनुकुल थिएन। त्यसमाथि मैले भिड्नु पर्ने उम्मेदवारहरु चानचुने थिएनन। डाक्टरहरुको लर्को नै थियो। डाक्टर भनेपछि यो ठुलो, गतिलो, पढेको र गर्न सक्ने मान्छे हो भन्ने प्रवृति हामी नेपालीहरुमा रहेको अबस्थामा मैले मेरो उम्मेद्वारी दावी गर्ने आधार देखिन। एक भोट जथाभावी हालेर बसें। बास्तवमा को को उठ्या थिए र को कोले जिते को को ले हारे मलाई थाहा पनि भएन, बाल पनि भएन ।

1

लेखनाथ गौतम उम्मेदवार (एनआरएन अमेरिका)

मलाई लाग्छ, अहिले परिस्थिति फेरिएको छ । एनआरएनको दोहोरो नागरिकताको नारा पनि समाधान भैसक्यो। अब के गर्ने, के नारा लाउने भन्ने कुरा तय नभएको अबस्थामा गर्नु पर्ने पनि केहि रहेन। अघिल्लो पल्ट जितेकाहरुले गरेको कामको लेखाजोखा गरेर नै ममा एक खालको जोश आएको अवस्था छ। गर्नु केहि नपर्ने, मिडियाको नजरमा परिने, आफ्नो कुरो बिक्ने र मज्जाले गफ दिंदै घुम्न पाइने यो पद मलाई बढो आकर्षक लाग्यो। त्यसमाथि धेरै ठाउँमा स्थानीय एनआरएनका प्रतिनिधि छंदैछन्, काम उनीहरुले गरिहाल्छन। केन्द्रमा गए पछि स्थानीय स्तरको काम गर्ने कुरा पनि भएन। यी र यस्ता थुप्रै परिस्थिति मेरो अनुकुल देखेपछि यसपाली मैले पनि एनआरएन अमेरिकाको अध्यक्ष पदमा उम्मेद्वारी  दिएको छु। परिस्थिति मात्र होइन, यो पदको लागि मेरो योग्यता पनि प्रयाप्त छ।

अग्लो शरीर र लामो नाक

एनआरएनको अध्यक्ष हुनको लागि मेरो पहिलो योग्यता अग्लो शरीर र लामो नाक हुनु पनि हो। तपाईंहरु सबैलाई थाहै छ, होचोको मुखमा घोंचो हुन्छ भनेर। अर्थात् तपाईंको जिउ सानो गाँठीको छ भने तपाईंलाइ मान्छेले पुछ्दैनन, गन्दैनन।जिउ ठुलो छ भने मान्छेले यसमा केहि दम छ है भन्ने ठानिहल्छ। तपाईंको अगाडी लुरे मान्छे छ भने तपाईंको रवाफ र भुडे मान्छे छ भने तपाईंको हालत फरक भैहाल्छ। अनि नाकले पनि तपाईंको योग्यता दर्शाउँछ। लामो नाकधारीहरुको समाजमा राम्रै स्थान हुन्छ। केहि गतिलो काम गर्यो भने मान्छेको त्यसै पनि नाक घिरौंला जत्रो भैहाल्छ। यसो भन्नुको अर्थ पनि ठुलो नाक गौरव र इज्जतको प्रतिक हो। हाकिमको कुर्चीमा बस्ने लुरे र सानो नाक भएको मान्छेलाई हाकिम मान्न धेरै मान्छे तयार हुँदैनन्। “हाकिम साब खोइ” भनेर कुर्सीमा आसि लुरे हाकिमलाई सोधेर पारो चढाउनेहरु दुनियाँमा थुप्रै छन्। मलाई त्यसको चिन्ता छैन। मेरो शरीर मात्र होइन नाक पनि लामो छ। एन आर एन को कुर्चीमा बस्न मलाई मज्जाले सुहाउँछ।

हजुरबाले घ्यु खाएका थिए

एनआरएन अमेरिकाको अध्यक्षको पदको लागि योग्य हुनुमा मेरो हजुरबाले खाएको घिउ पनि हो । घिउले तागत दिन्छ। जसले सानोमा राम्रो संग घिउ खाएको हुन्छ, उ बलियो हुन्छ। मल्ल युद्धमा त्यहि बलको प्रयोग हुन्छ। बुद्धिले चल्छ दुनियाँ भनेर भने पनि यहाँ बलको ठुलो महत्व छ। मेरा हजुरबाले दिनको एक माना घिउ खानुहुन्थ्यो रे। एकमना घिउ खाएर काममा जाँदा ३ जनाले गर्ने काम एकै जनाले गर्नुहुन्थ्यो रे। तिनै मेरा हजुरबाको देनले हाम्रो गाउँमा विकास र नौलो बिहानी शुरु भएको थियो। उहाँकै कारण हाम्रो गाउँ नवयुगमा प्रवेश गरेको थियो। मैले तिनै हजुरबाको नाम बेचेर विदेश आएको पनि हो। अब तिनै मेरा हजुरबाको बिरासत मैले पाउनु पर्छ। उहाँको देनको कदर गर्न पनि मैले जित्न जरुरी छ। जित्न म उठ्न जरुरी छ। त्यहि बिरासत मेरो उम्मेदवार हुनको लागि अर्को योग्यता हो।

गैरीखेत सबै मेरो

सबैलाई थाहै छ, अहिले चुनाव जित्न के के चाहिन्छ। मोदी देखि डोनाल्ड ट्रंपले पनि करोडौं खर्च गरेरै चुनाव जितेका हुन्। बुद्धि, बिबेकले जित्ने भए कृष्णप्रशाद भट्टराईले जित्थे। चुनाव जित्न मान्छे किन्नु पर्छ, खान दिनु पर्छ। खान दिन चामल चाहिन्छ। चामल खेतमा फल्छ। त्यो खेत म संग छ। १०० मुरी आउने पुरै गैरीखेत मेरै हो। चुनाव प्रचार गर्न हनुमानहरु चाहिन्छ। कलियुगका हनुमानले दारु र मांस भोजन गर्छन। ६ महिना अघि चुनाव घोषणा भए पछि विचार गर्नुस कति मुरी धान चाहिएला ! जति सुकै योग्य छु भनेर प्रचार गरे पनि तिनले यति लामो समय सम्म आफुलाई टिकाउन सक्दैनन्। च्याँखे थाप्ने हुन्, पछि बिस्तारै साइड लागिहाल्छन। परिस्थिति अनुसार कलमधारी हनुमान पनि पाल्नु पर्छ। यस्तो खर्चिलो चुनाव २० मुरी धान हुनेले लड्न सक्दैन। देश दौडाहामा हिंड्दा जहाज खर्च अरु संग सापटी लिने सुदामाहरुले यो पदमा आँखा लगाउनु हुन्न। जसले जति आदर्शका कुरा गरे पनि खेल पैसाको हो, धानको हो। म संग मनग्य धानखेत छ। त्यसले गर्दा म यो पदको लागि योग्य मान्छे हो।

 

योजना बिहिन

म जनताको मान्छे हो। म जनताको नोकर हो। मैले यो गर्छु र त्यो गर्छु भनेर भन्न चाहन्नँ। मतदाताले जे भन्छन, मैले त्यहि गर्ने हो। मैले मेरो गोरुको बाह्रै टक्का गर्दिन। सबैको सल्लाहमा काम गर्छु। फेरी गर्ने कुरा पनि केहि छैन। अघिल्लो पटक के गर्या थिए र ? आफु माथि लागेको मुद्धा समेत टुङ्गाउन नसकी बिदा हुँदैछन् बबुराहरु। भन्नको लागि म संग नारा पनि छैन। मैले अरुले भन्दा एकदम राम्रो गर्छु। डोनाल्ड ट्रंपले के गर्छस भन्दा यो भन्दा टेरिफिक गर्छु भनिकन नै अमेरिकाको रास्ट्रपति बन्न सक्छन भने मैले योजना प्रस्तुत गर्नु पर्ने कुनै कारण छैन। जे पर्छ, त्यहि टर्छ। चुनाव जितेपछि तपाईं मतदाता सबैको सल्लाह अनुसार म अघि बढ्छु। अहिलेनै यो गर्छु भनेर मैले भबिस्यलाइ बन्धनमा राख्न चाहन्न। भविस्यलाइ थुनेर राखेर भबिस्य बन्दैन। त्यसैले यो गर्छु र त्यो गर्छु भनेर उफ्रिने भन्दा म योग्य छु। यो नै मेरो योग्यताको प्रमुख आधार हो।

एनआरएन अमेरिकाको अध्यक्ष हुनको लागि यी र यस्तै अन्य थुप्रै योग्यताहरुको लर्को म संग छ। मलाई लाग्छ यति योग्य मान्छे अमेरिकामा पाउन गाह्रै होला। आशा गर्छु, मेरो यो योग्यताको आधारहरु प्रस्तुत गरिसकेपछि अरु पछि हट्नेछन् र मैले सर्बसम्मत रुपमा चुनाव जित्नेछु। होइन भने माथि उल्लेखित योग्यताकै आधारमा अमेरिकी जनताले डोनाल्ड ट्रंपलाइ जिताए जस्तै नेपाली मतदाताले मलाई बिजयको माला पहिर्याउने नै छन्।

सम्बन्धित समाचार

टिका पौडेलको सहयोगमा एनएसटीले कार्यक्रम आयोजना गर्ने

डालस, टेक्सास। युलेस सिटिको सिटि काउन्सिल पदका उम्मेदवार टिका पौडेलको चुनावी अभियानलाइ सघाउन नेपाली समाज टेक्सासले मार्च २१ आइतबार एक…

एनआरएनमा सहि मान्छे पहिल्याउने समय यहि हो, ढिला गरे पछुताउनु पर्छ

एनआरएन अमेरिकाको २०२१-२३ निर्बाचन संघारमा छ। सदस्य बनाउने अभियान सकिएको छ। यतिबेला सामाजिक संजालमा उम्मेद्वारीको लर्को लागेको छ। कोहि केहि…

बृहद डालस एसियन समुदायमा नेपालको पहिचान प्रस्तुत

बृहद डालस एसियन अमेरिकन च्याम्बर्स अफ कमर्सले आफ्नो बार्षिक एसियन फेस्टिवल सम्पन्न सम्पन्न गरेको छ । एसियन फेस्टिवलमा एसियामा अवस्थित…

एचडीएनपीको “चन्दा संकलन रात्रिभोज” डिसेम्बर १ मा हुने

डालस, टेक्सास। बिगत लामो समय देखि अमेरिकाको डालसमा सक्रिय “अति आबस्यकहरुको लागि सहयोग” अर्थात् एचडीएनपीले आगामी डिसेम्बर १ तारिकमा एक…

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

नोभेम्बर निर्बाचनमा कसलाई रोज्ने होला ?

कलेज क्याम्पसमा प्रदर्शन: बाइडेन प्रशासनको लागि असहज

एआइ इन्फ़्लुएन्सरको बिगबिगी र कन्टेन्ट बनाउनेहरुमाथिको चुनौती

ट्रंपका वकिल र चिफ अफ स्टाफमाथि एरिजोनमा अभियोग

अमेरिकामा टिकटक प्रतिबन्ध हुने लाइनमा अग्रसर




EXPLORE YOUR BUSINESS...
USANDNEPAL.COM is created to provide companies of all sizes the ability to explore their businesses and services on the internet. This would be right choice for you to grow your business. Find out more information on our services below :
NEPAL OFFICE

Bhanimandal-4
Lalitpur, Nepal

977-9849361677

US OFFICE

P.O.Box No. 166141
Irving, TX 75016

817 448 2907