नेपाली राइनोज क्रिकेट क्लब र पन्जाब लायन्स बीच मैत्रीपूर्ण क्रिकेट खेल सम्पन्न
डालस, नोभेम्बर ५। नेपाली राष्ट्रिय टीमका क्रिकेट खेलाडीहरु अहिले अमेरिकामा छन्। उनीहरु आगामी नोभेम्बर ९ देखि १३ सम्म ह्युस्टनमा हुने युएसए कपमा नेपाली राइनोज क्रिकेट क्लबको तर्फबाट खेल्नेछन। सोहि क्रममा उनीहरु अहिले डालसमा बिभिन्न गतिविधिहरुमा ब्यस्त छन्। आज उनीहरु पन्जाब लायन्ससंग मैत्रीपूर्ण क्रिकेट खेले। खेल साँझ ७ बजे शुरु भएर ११ बजे सम्म चलेको थियो भने नेपाली राइनोज क्रिकेट क्लब जम्मा १७ रनले पछाडी परेको थियो।
खेलमा नेपाली रास्ट्रिय क्रिकेट टीमका कप्तान पारस खड्काको पनि उपस्थिति थियो जसमा उनले ६७ रन बनाएका थिए। त्यस्तै शरद भेस्वाकर र सुभास खकुरेलले पनि राम्रो खेल प्रदर्शन गरेका थिए। उक्त अबसरमा नेपाली क्रिकेटका फ्यानहरुको राम्रो उपस्थिति थियो। नेपाली समाज टेक्सासको सक्रिय सहभागितामा सम्पन्न यो मैत्रीपूर्ण खेलबाट सबैले मनोरंजन लिएका थिए।
उक्त अवसरका केहि फोटोहरु :
