ट्रंप दुराचारको अर्को भिडियो र हिलारीको इमेल काण्ड फेरी सार्बजनिक
अमेरिकी रास्ट्रपतिको निर्बाचन आउन अब ९ दिन मात्र बाँकी छ। थुप्रै मत सर्भेक्षणमा क्लिन्टनले अहिले सम्मकै ठुलो अन्तरको विजय प्राप्त गर्ने देखाएका थिए। तर क्लिन्टन क्याम्पमा एफबिआइ ले तनाब थपिदिएको छ। हिजो शुक्रबार एफबीआइ प्रमुख जेम्स कोमीले एक पत्र लेख्दै उनीहरुले केहि नयाँ इमेल भेटेका छन् जुन क्लिन्टन बिरुद्धको जाँचबुझको लागि आबस्यक छन्। जेम्स कोमिले केहि महिना अघि मात्र इमेलको अनुसन्धान पुरा भएको र क्लिन्टन यो सम्पूर्ण प्रक्रियामा लापरबाही गरेको देखिए पनि अपराध भने नगरेको भनेर उनीमाथिको जांच पड्ताल बन्द भएको जनाएका थिए।
अचानक एफबीआइबाट आएको यो निर्णय बाट क्लिन्टन क्याम्प तनाबमा परेको छ भने कोमिको यो कामको सर्बत्र आलोचना भएको छ। यो समग्र जांच प्रक्रिया लामो समय लाग्ने थाहा हुँदा हुँदै निर्बाचन आउन १० दिन बाँकी छंदा उनले किन यसो गरे भनेर उनको कदमको बिरोध गरिएको छ भने ट्रंपले भ्रम फैलाउने र आफ्नो निश्चित प्राय भएको पराजयलाइ जोगाउन सकिन्छ कि भनेर हल्ला गर्ने मसला मिलेको छ। मतदाताहरुमा पनि अस्पस्टता हुनसक्ने आंकलन गरिएको छ। एकातिर इतिहासकै अलोकप्रिय र यौन हिंस्रक उम्मेदवार र अर्कोतिर एफबीआइले अनुसन्धान गरिरहेको व्यक्ति मात्र आफ्नो रोजाइको बिकल्प हुँदा अमेरिकी मतदाता रनभुल्लमा परेका छन्।
निर्बाचनको नतिजा हिलारीको पक्षमा आउने निश्चित भए पछि कोमिले ट्रंपलाइ सघाउने उद्देश्यले यसो गरेको प्रस्ट छ। उनि मतदातालाई एक किसिमको त्रास र भ्रम सिर्जना गर्न चाहन्छन जसले गर्दा हिलारीलाइ जित्न अप्ठेरो होस्। त्यहि कारणले होला हिलारीले हिजोको सम्बोधनमा आफ्नो इमेलको अनुसन्धानको सम्पूर्ण कुरा सार्बजनिक गर्न आग्रह गर्दै मतदातालाई भ्रममा राख्न नहुने प्रस्ट पारेकी छिन।
एफबीआइ को अनुसन्धानबाट केहि नयाँ कुरा निस्किने सम्भावना कम रहे पनि मतदाता भने दोधारमा पर्न सक्ने र त्यसले हिलारीलाई सजिलै जित्न लागेको चुनाबमा ब्यबधान खडा गरेको छ। अर्को तिर डोनाल्ड ट्रंपले २०११ मिस युनिभर्सलाइ अस्ट्रेलियामा स्टेजमै दुर्ब्यबहार गरेको भिडियो सार्बजनिक भएको छ। जसमा उनले मिस युनिभर्स आफ्नो चाहना अनुसार चल्नुपर्ने आशय व्यक्त मात्र गरेका छैनन् उनलाई नयाँ मिस युनिभर्स भन्दा नराम्री समेत भनेका छन्। यसघि एक दर्जन जति महिलाले उनीहरुमाथि ट्रंपले यौन हिंसा गरेको आरोप लगाएका थिए भने ट्रंपले कुरा अस्वीकार गर्दै चुनाब पश्चात उनीहरु बिरुद्ध मुद्धा हाल्ने समेत चेतावनी दिएका छन्।
