नेपाललाइ प्रतिनिधित्व गरेर हाम्रो छाती फराकिलो पार्ने नेपाली खेलाडी अहिले अमेरिकामा आउंदै हुनुहुन्छ । अमेरिकामा रहेका नेपाली क्रिकेट टोलीका जबर्जस्त फ्यानहरु हुनुहुन्छ । त्यस्तै नेपाली टोलि प्रति गहिरो सद्भाव राख्ने नेपाली समुदाय छ । खेलाडीहरु पनि नेपाली समुदायसंग भेट्न आतुर हुनुहुन्छ । हामीलाई यो सम्पूर्ण कार्यक्रम संयोजन गर्न पाउँदा ठुलो गर्ब लागेको छ ।  यो समग्र अभियानमा म, राकेश कर्ण, बरदान चालिसे, उत्सव सिग्देल र आशिक लामा संगै छौं । नेपालका खेलाडी ल्याउन होस् वा यहाँ क्लब गठन गर्न होस् हामी सबै मिलेर काम गरेर नै यहाँ सम्म आइपुग्न सफल भएका हौँ ।  आशा छ, अहिलेको यो यात्राले नेपाली खेलाडीहरुमा नयाँ उर्जा थपिने छ र भबिस्यमा समग्र नेपालको क्रिकेट खेलमा पनि योगदान मिल्नेछ भन्नेमा म आशाबादी छु । त्यसैले आउनुहोस जे सकिन्छ, जसरि सकिन्छ अमेरिकामा आउन लाग्नु भएका नेपाली क्रिकेट खेलाडीलाइ सहयोग गरौँ  । हाम्रो सानो प्रयासले ठुलो उपलब्धि प्राप्त हुन्छ भने हामी किन पछि हट्ने ?