कार्यक्रममा प्रमुख अतिथिको आसनबाट बोल्दै नेपाली कांग्रेसका केन्द्रिय सदस्य रमेश रिजालले प्रबाशमा रहेर नेपालको विकास, उन्नति र प्रगतिमा नेपाली जनसम्पर्क समितिले पुर्याएको योगदानको प्रशंशा गर्नु भएको थियो । बीपीको समाजबादी चिन्तनबाट कांग्रेस क्षणिक रुपमा अलग्गिएको जस्तो लागे पनि नेपाली कांग्रेसको आधिकारिक नीति भनेको प्रजातान्त्रिक समाजबाद नै रहेको स्पस्ट पार्नु भएको थियो । नेपाली कांग्रेसले गरिब जनताको भलाइको लागि नै राजनीति गरेको तर २०४६ सालपछि  रामशरण महत र महेश आचार्यले खुल्ला अर्थतन्त्र र  उदारबादको नाममा कांगेसको सिद्धान्त बिपरित काम गरेको आरोप पनि लगाउनु भयो । नेपाली कांग्रेसले झुपडीमा  बस्ने जनताको पक्षमा अघि बढ्ने बताउंदै नेपाली कांग्रेसले नै बर्तमान समस्या समाधान गर्न सक्ने कुरा उल्लेख गर्नु भएको थियो ।

अहिले नेपाल रेमिटेन्सबाट चलेको बताउंदै रिजालले प्रबासी नेपालीहरुको योगदान संधै रहिरहने बिस्वास ब्यक्त गर्नु भएको थियो । तपाईंहरुले जसरि बिगतमा नेपालको प्रजातान्त्रिक आन्दोलनमा सहयोग गर्नु भएको थियो, त्यसरी नै आगामी दिनमा सामाजिक र आर्थिक रुपान्तरणमा भूमिका खेल्नु पर्छ भन्दै रिजालले जनसम्पर्क समितिहरु आफै बिबादित हुने होइन बरु नेपालमा रहेका विवाद हल गर्न पहल गर्नु पर्नेमा जोड दिनु भयो । तपाईंहरुलाई केहि कुराको लोभ छैन, बिशुद्ध रुपमा कांग्रेस पार्टी र नेपालको बारेमा बोल्नु भएको छ भने सानातिना कुरामा किन झगडा गरेको भन्दै आफुले जनसम्पर्क समितिको बिबाद मिलाउन पार्टीबाट म्यान्डेट लिएर आएको र त्यसलाई मिलाउन प्रयत्न गर्ने र त्यसमा सहयोग गर्न सबैलाई अपिल समेत गर्नु भएको थियो ।

कार्यक्रम जनसम्पर्क समिति टेक्सास च्याप्टरका सभापति हरिबोल भण्डारीको सभापतित्वमा सम्पन्न भएको थियो । सभापतिको आसनबाट बोल्दै भण्डारीले नेपाली जनसम्पर्क समितिको दशैं चियापान तथा भेटघाट कार्यक्रममा उपस्थित हुने सबैलाई धन्यवाद दिंदै जनसम्पर्कको बिबाद मिल्ने विश्वास व्यक्त गर्नु भएको थियो । भूकम्पको पैसा समयमा नपुगे पनि हिनामिना नभएको जनाउंदै त्यो नेपाली कांग्रेसले चाहेको बेला नेपाल पठाउन तयारी अबस्थामा रहेको स्पस्ट पार्नु भएको थियो । कार्यक्रममा डालस तथा स्टेफेनभिल क्षेत्रका विभिन्न संघ संस्था तथा सर्बसाधारण गरी करिब १५० जनाको उपस्थिति थियो । कार्यक्रमको संचालन पत्रकार केदार तिमिल्सिनाले गर्नु भएको थियो