फ्लोरिडामा जारी रहेको समुद्री आंधी अर्मा र यसको बारेमा केहि तथ्यहरु

फ्लोरिडा, अमेरिका। अमेरिकाको फ्लोरिडा यतिबेला अर्मा नामक आंधीको मारमा छ। इतिहासमा रहेका धेरै रेकर्डहरु यो आंधीले तोडेको छ। यसको बिनास यति भयानक छ कि फ्लोरिडाका गभर्नरले आपतकाल घोषणा गरेका छन् भने लाखौँ मानिसहरु बिस्थापित भएका छन्। यसले गरेको विध्वंशको लेखाजोखा हुन अरु केहि समय कुर्नु पर्नेछ तर यसले अहिलेसम्म गरेको बिनास अकल्पनीय छ। यसले तोडेका रेकर्डहरु यसप्रकार छन्।
१. यो गल्फ अफ मेक्सिको र एटलान्टिक क्षेत्रको सबभन्दा बलियो आंधी हो। २. स्याटेलाइटबाट आंधीको गतिबिधि हेर्ने प्रविधिको निर्माण पश्चात लगातार ३ दिनसम्म टिकेको ५ बर्गको पहिलो आंधी हो। ३. अहिले सम्म कुनै पनि आंधी ३७ घण्टासम्म लगातार १८५ माइल प्रति घण्टा टिकेको छैन। अर्मा नामको यो आंधीलेत्यो रेकर्ड बनाएको
छ। ४. यो आंधीले बहामाजको इतिहासमा र अमेरिकाकै इतिहासमा सबभन्दा ठुलो मात्रामा मानिसहरुलाई घर छोड्न बाध्य पारेको छ। फ्लोरिडाको सरकारले ६३ लाख मानिसहरुलाई ज्यानको जोखिम रहेको भन्दै घर छोड्न र सुरक्षित स्थानमा जान बाध्यकारी सूचना जारी गरेको छ।
यसबाहेक यो आंधीको अन्य धेरै क्षतिका विवरणहरु छन्। अहिले कमसेकम चालिस लाख भन्दा बढी मानिसहरु बिजुली रहित अबस्थामा छन्। खाना पकाउन देखि आकस्मिक सेवा संचालन गर्न बिद्युत जरुरत पर्ने अत्याधुनिक समाजमा बिद्युतको अभावमा हुने असुविधा अकल्पनीय छ। फ्लोरिडाको दक्षिण पश्चिममा रहेको समुद्री तिरको वरपरका भूभागमा १५ फीट सम्मको बाढी आउने अनुमान गरिएको छ। अर्माले ७० हजार वर्ग माइलको क्षेत्रफ़ललाइ असर गर्नेछ जुन फ्लोरिडाको क्षेत्रफ़ल भन्दा पनि बढी हो। फ्लोरिडाको क्षेत्रफ़ल ६५ हजार बर्ग माइल छ। बर्बुढा भन्ने टापुमा यसले १८५ माइल प्रति घण्टाको दरले हान्दा ९५ प्रतिशत घर र भवनहरु ध्वस्त पारेको छ। बहमाजबाट ५००० मानिसहरुलाई उद्धार गरिएको छ जुन बहमाजको इतिहासमा सबभन्दा ठुलो उद्धार हो।