यो सम्मेलनको प्रमुख कमान्डर पासाङ्ग लामा हुनुहुन्छ । उहाँको नेतृत्वमा यो सम्मेलन आयोजना हुँदैछ । करिब २० बर्ष अघि बिद्यार्थी भिसामा अमेरिका प्रवेश गरेका पासांग टेक्सास र अमेरिका कै उदाहरणिय ब्यबसायी मानिनुहुन्छ । उहाँको सफलताको कथा जति चाखलाग्दो छ त्यति नै संघर्षपूर्ण पनि । “दुनियाँमा सफल हुन मिहिनेत र उच्च मनोबल सबभन्दा महत्वपुर्ण कुरा हुन् । त्यस्तै भाग्यले पनि साथ दिनु पर्छ” आफ्नो बिगत सम्झिँदै पासांग भन्नु हुन्छ । हरेक गर्ने काममा पहिलो हुन्छु भन्ने मनोबल राख्यो भने असम्भव केहि छैन । सफल ब्यबसायी मात्र होइन, लामा समाज सेवामा पनि लामो समय देखि सक्रिय हुनुहुन्छ । समाजमा भैपरी आउने हरेक अप्ठेराहरुमा दिल खोलेर सहयोग गर्ने लामाले युबालक्षित संस्थाहरुको अमेरिकामा अभाव महशुश गरेर २०१६ मा यो संस्थाको स्थापना गर्नु भएको हो । समाजमा सकारात्मक र गुणात्मक परिबर्तन ल्याउने हो भने युवालाई नै अघि बढाउनु पर्छ भन्ने उहाँको गहिरो विश्वास छ ।

यो सम्मेलन सफल पार्न गठन गरिएको समितिमा बिएन पन्त प्रमुख संयोजक हुनुहुन्छ । प्रस्ट बोली, उत्प्रेरक शव्द र काम  प्रतिको लगाव उहाँका गुणहरु हुन् । अब्रोड आइटीका कार्यकारी प्रमुख पन्त आइटी बजारमा केहि गरौँ भन्ने भिजनका साथ लाग्नु भएको छ । युवा र बालबालिकाका हरेक कार्यक्रमलाइ अत्यन्त सहयोग गर्ने मात्र होइन आफै त्यस्ता धेरै कार्यक्रमहरु  समेत आयोजना गर्नु भएको छ । डालस एभरेस्ट लायन्स क्लबका निर्बाचित सभापति पन्त उत्प्रेरक बक्ताको रुपमा पनि चिनिनु हुन्छ । काम शुरु गरे पछि सिद्धाउनु पर्छ भन्ने गहिरो मान्यता राख्ने पन्त आगामी युएनएको सम्मेलन नेपाली युबाहरुको लागि उपलब्धिपूर्ण हुनेमा उत्साहित हुनुहुन्छ । Kids  Talent  Show र अन्य महत्वपूर्ण फोरमहरुलाइ उपयोगी बनाउन उहाँ सक्रिय हुनुहुन्छ ।

 युएनएको खास उद्देस्य नेपाली युवाहरुलाई अमेरिकाको मुलधारमा स्थापित गर्नु हो । त्यसको लागि खेलकुद एउटा महत्वपूर्ण क्षेत्र हो । युएनएको आगामी सम्मेलनको लागि खेलकुदको सम्पूर्ण व्यवस्था गर्ने जिम्मेवारी युवा राम भण्डारीले लिनु भएको छ । खेलकुद भने पछि हुरुक्क हुने र यसलाई अघि बढाउन हरेक पल सक्रिय रहने भण्डारी आफु भने बास्केटबाट, क्रिकेट र टेबल टेनिसमा बिशेस रुचि राख्नु हुन्छ । भण्डारी र उहाँको टीम मिलेर हरेक बर्ष टेक्सासमा ३x३ बास्केटबाट प्रतियोगिता आयोजना गर्दै आएको छ । २०१२ मा सम्पन्न एएनएको सम्मेलनमा समेत उहाँ खेलकुद संयोजकको रुपमा सफलतापुर्बक जिम्मेवारी पुरा गर्नु भएको छ । खेलकुदको दुतको रुपमा नेपाली क्रिकेट टोलीका कप्तान पारस खड्कासंग नजिकमा रहेर समेत उहाँले काम गरिसक्नु भएको छ ।