बेलायतको संसद भवनका सुरक्षाकर्मीमाथि चक्कु प्रहार

लण्डन, मार्च २२ बुधबार । बेलायतको राजधानी लण्डनस्थित संसद भवन अघि आज आतंकबादी हमला भएको छ । एक जना हमलाकारीले संसद भवनको सुरक्षार्थ खटिएका एक जना प्रहरीलाइ छुरा प्रहार गरेको जनाइएको छ भने एउटा कार बेलायतको संसद भवनको पर्खालमा ठोक्काइएको छ । त्यस्तै एउटा पुलमा पनि क्षति पुर्याइएको छ । हमलामा एकजना महिलाको मृत्यु भएको छ भने एकजना घाइते महिलालाई एथेन्स नदिबाट जिवितै उद्धार गरिएको छ ।

हमला पछि संसद भवन पूर्ण रुपमा बन्द गरिएको छ र सांसदहरुलाई भित्रै सुरक्षित रहेर बस्न भनिएको छ । त्यस्तै प्रधानमन्त्री टेरेसा मेले आकस्मिक सुरक्षा बैठक गरिरहेकी छिन । बेलायतको मुस्लिम काउन्सिलले घटनाबाट आश्चर्यचकित र दुखित भएको प्रतिक्रिया दिएको छ । हमलाकारी को थियो, कुन उद्देश्यले गरिएको थियो र यसमा आतंकबादी संलग्नता थियो वा थिएन भन्ने थाहा पाउन केहि समय कुर्नु पर्ने भएको छ । घटना संगै बेलायत र युरोपमा उच्च सतर्कता अपानाइएको छ ।