अन्तररास्ट्रिय नेपाली साहित्यिक समाजको कबिता प्रतियोगिता सम्पन्न
अक्टोबर २३, आइतबार , डालस, टेक्सास। अन्तर्रास्ट्रिय नेपाली साहित्य समाजको आयोजनामा आज नेपाली मन्दिर अर्भिंगको सभाकक्षमा एक कविता १०७ औं लक्ष्मी जयन्ति तथा दशैं तिहार बिशेष साहित्यिक कार्यक्रम सम्पन्न भयो। २००८ मा स्थापित भुपकुमारी जोशी गुठीको प्रायोजनमा भएको उक्त कार्यक्रममा थुप्रै प्रतियोगी र अप्रतियोगी कविता बाचन गरिएको थियो।
अन्तर्रास्ट्रिय नेपाली साहित्य समाज डालस शाखाका सभापति बासु शर्माको सभापतित्वमा सम्पन्न उक्त बिशेष साहित्यिक कार्यक्रम श्रीमती सरला चापागाईंको प्रमुख आतिथ्य र भुपकुमारी जोशीको आतिथ्यमा सम्पन्न भएको थियो। अन्तररास्ट्रिय नेपाली साहित्य समाजले बिगत १४ बर्ष देखि यसखालका विभिन्न साहित्यिक कार्यक्रमहरु आयोजना गर्दै आएको छ। आजको कार्यक्रममा एक दर्जन जति प्रतियोगी कविता बाचन गरिएको थियो । उत्कृस्ट कविताहरु मध्य कृष्ण खनालको कविता प्रथम, इश्वरी रिजालको कविता द्वितीय र बलराम फुयाँल एबम भगवती पौडेलको कविताले संयुक्त रुपमा तृतीय पुरस्कार प्राप्त गरेका थिए। पुरस्कारको राशि प्रथम, द्वितीय र तृतीयको लागि क्रमश: $३००, $२०० र $१०० रहेको थियो।
कार्यक्रममा स्वागत अनेसासका प्रकाश पाण्डेले गर्नु भएको थियो भने कपिल अधिकारीले कार्यक्रमको संचालन र संयोजन गर्नु भएको थियो। कविता प्रतियोगिताका अन्य प्रतियोगी कविहरु बलायर प्रत्याशी, गीता गंगोल जोशी, धनन्जय ढकाल, सिताराम सुबेदी, सुमन कार्की हुनुहुन्थ्यो भने मुल्यांकनकर्तामा बासु भण्डारी, शैलेश आचार्य र डेञ्जोम साम्पांग राइ हुनुहुन्थ्यो। त्यस्तै अप्रतियोगी कविता बाचन गर्ने कविहरुमा प्रकाश पाण्डे, नेत्र आचार्य, खोलाघरे साहिँलो, वेदनिधि दाहाल, श्रद्धा अधिकारी, चम्पा पाण्डे, ज्ञानेश्वर अमात्य, विजय राज भट्टराई, तिलकराज पन्त, नन्द रेग्मी, प्रदिप तिम्सिना, निर्मला राई, इन्दिरा भुषाल, बासु अधिकारी र भिम कार्की हुनुहुन्थ्यो।
आजको साहित्यिक कार्यक्रम अलि बढी अप्रतियोगी कविको संख्याको कारण लम्बिन पुगे पनि अन्त्यसम्म पनि धेरै जसोको उपस्थिति थियो। महाकबी लक्ष्मी प्रसाद देवकोटाको तस्विरमा पुस्पा गुच्छा अर्पण गरेर शुरु गरिएको कार्यक्रमको कविता प्रस्तुति उच्च स्तरिय थिए। कार्यक्रममा सिपीए भिम कार्कीले लक्ष्मी प्रसाद देवकोटाको बारेमा आम मानिसले नसुनेका केहि रोचक तथ्यहरु प्रस्तुत गर्नु भएको थियो भने प्रभात दिक्षितले पनि महाकविको व्यक्तिगत र पारिबारिक पृष्ठभूमि बारे रोचक तथ्यहरु प्रस्तुत गर्नु भएको थियो।
कार्यक्रमका केहि तस्विरहरु :
