आजदेखि बिधिबत रुपमा र प्रत्यक्ष रुपमा तपाईं सामु आएका छौं। पक्कै पनि कुनै अनलाइन खुल्नु वा बन्द हुनु ठुलो कुरा होइन। कुनै खुल्छन कुनै बन्द हुन्छन। हामी पनि खुलेको पुस्टि गर्न धेरै मिहिनेत गर्न बाँकी छ। तर उद्धेश्य सहि भयो भने बाटो अप्ठेरो भए पनि सफलता हासिल गर्न सकिन्छ भन्ने हाम्रो मान्यता छ।

अहिले नेपाली भाषामा अनगिन्ति अनलाइन छन्। तीनको उद्धेश्य प्रकारान्तरले सूचना प्रबाह गर्ने भए पनि सबै अनलाइन त्यसमा टिकेका छन् भन्न सकिन्न। बिभिन्न शक्तिकेन्द्र र स्वार्थ केन्द्रको रक्षा गर्न समेत संचार माध्यम प्रयोग भएको देख्न सकिन्छ। यस्ता कुरामा पाठक आफै न्यायाधिश बनेर राम्रो नराम्रो छुट्ट्याउनु पर्छ। कानुनत: नियमन गर्ने बाहेक सामाजिक र नैतिक लिक भन्दा बाहिर गएका अन्लाइन्लाइ ठेगान लाउने भनेकै पाठकले हो। नराम्रो कुरा हेर्ने, सुन्ने वा पढ्ने गरियो भने त्यसले प्रकाशन वा प्रशारण गर्न उत्साह प्रदान गर्छ र पाठकले मन नपराए पनि प्रकारान्तरले त्यसलाई सहयोग पुग्न जान्छ। त्यसैले सब कुराको न्यायाधिश पाठक हो । त्यसैले जहिले सम्म राम्रो कुरालाइ प्रोत्साहन दिइन्न, तब सम्म राम्रो कुराले फैलिने अवसर पाउँदैन।