जुन १४ मा डालसमा प्रकाश सपुतले प्रस्तुति दिने
डालस, टेक्सास। नेपालीहरुको बाक्लो आवादी रहेको टेक्सासको डालसमा अहिलेका लोकप्रिय लोक गायक प्रकाश सपुतले प्रस्तुत दिने भएका छन्। यसको आयोजक संस्था डेभलपमेन्ट फर पीस रहेको जुन २००७ देखि क्रियाशील छ। यहि जुन महिनाको १४ गते शुक्रबारको दिन युलेसस्थित सफ़ाएर बेङ्क्वेट हलमा यो सांस्कृतिक कार्यक्रम हुने छ। यो कार्यक्रमको सहयोगी संस्था सीआर सोलुसन रहेको छ।
नेपाल र अमेरिकामा समेत महिला तथा बालबालिकाको हितमा काम गर्ने डीएफ़पी करिव १७ बर्ष देखि यो कार्यमा लागिरहेको छ। अध्यक्ष दिपक खरेलका अनुसार “हिमालयन सांगीतिक साँझ” बाट बचेको रकम तिनै नेपालमा रहेका बालबालिकाहरुको शिक्षा र महिलाहरुको आय आर्जनको कार्यमा खर्च गर्ने योजना रहेको छ।
उक्त कार्यक्रममा प्रकाश सपुत सहित मुना थापा, समिर आचार्य र छविराज सुनारले प्रस्तुति दिनेछन। टिकेटको मूल्य प्रतिव्यक्ति ३० डलर र दुइजनाको लागि ५० डलर रहेको छ। साँझ ६ बजेबाट ११ बजेसम्म बिभिन्न प्रस्तुतिहरु रहेका छन्।
संस्थाले सांगीतिक साँझमा उपस्थित हुन, कलाकारहरुलाई हौसला बढाउन र रमाइलो गर्दै परोपकारको कार्यमा सहभागी हुन अनुरोध गरेको छ। यसमा हुने उपस्थितिले संस्थाले गर्ने भावी सामाजिक कामहरुमा टेवा पुग्ने भएकोले सबैलाई सहयोग गर्न समेत अनुरोध गरिएको छ।