नेपस्टार डिएफ़डब्लुले जित्यो भलिबल च्याम्पियनको उपाधि
डालस, टेक्सास। गत सप्ताहन्तमा नेपाल डे परेडको अवसर पारेर क्यालिफोर्नियाको सान फ्रान्सिस्कोमा एनआरएनए क्भयालिफोर्निया च्याप्टरद्वारा आयोजित भलिबल टुर्नामेन्टमा टेक्सास डालसको भलिबल क्लब नेपस्टार अफ डिएफ़डब्लुले उपाधि जित्न सफल भएको छ। १५ टीम सम्मिलित उक्त टुर्नामेन्टमा टेक्सासबाट मात्र ४ वटा टीमहरु सहभागी भएका थिए भने फाइनल खेल न्यु योर्कको भलिबल टीमसंग भएको थियो।
पुरस्कारको राशी १२ हजार डलर थियो। त्यससंगै नेपस्टार अफ डिएफडब्लुले पदक तथा प्रमाणपत्र पनि प्राप्त गरेको छ। खेलमा १० जना खेलाडीहरु थिए जसको नेतृत्व नेपाली राष्ट्रिय टोलिका सफल खेलाडी कैलाश भट्टले गरेका थिए। टीममा दिपक थापा, मनोज गौतम, नविन खड्का, खुम ढकाल, संयोग दुलाल, आयुष मल्ल, गणेश मल्ल, सुजन परियार र सुदिप बस्न्यात थिए।
यस अघि नेप्स्टार टीमले क्वाटर फाइनलमा बाँफिकोट रुकुमसंग खेलेर जितेको थियो भने सेमिफाइनलमा रुकुम टीमसंग प्रतिष्पर्धा गरेको थियो। बिजयी टीम र खेलाडीहरुलाई धेरै धेरै बधाई।