भोलि अगस्त २६ मा बृहद रक्तदान कार्यक्रम हुँदै

डालस, टेक्सास। नेपाली समाज टेक्सास स्थापनाको २५ बर्ष पुगेको उपलक्षमा नेपाली समाज टेक्सासको आयोजना, ब्लड डोनर्स एसोसिएसन अफ अमेरिका टेक्सास च्याप्टरको सहभागितामा र डालस वरिपरी रहेका बिभिन्न सामाजिक संस्थाहरुको संयुक्त आयोजनामा भोलि अर्थात् अगस्त २६ सनिबार बृहद रक्तदान कार्यक्रम हुने भएको छ। यो बृहद रक्तदान कार्यक्रम युलेस सिटीको २१०१ एक्टर ड्राइभमा स्थित लाइब्रेरीमा हुनेछ। यसको सम्पूर्ण तयारी पुरा भैसकेको जनाइएको छ।

रक्तदानमा सहभागी हुन कमसेकम १७ बर्ष काटेको हुनुपर्ने, फोटो परिचयपत्र अनिबार्य हुनुपर्नेछ भने तौल एकसय दस पाउण्ड भन्दा बढी हुनुपर्नेछ। रक्तदान जीवनदान भएकोले आफु रहेबसेको ठाउँमा केहि न केहि योगदान पुराउन पनि रक्तदानमा सहभागी हुन नेपाली समुदायका सबैलाई बिशेष अनुरोध गरिएको छ।