गायक तथा संगीतकार नरहरी प्रेमीको नयाँ गीत सार्बजनिक
लामो समय देखि गीत संगीत क्षेत्रमा सक्रिय गायक तथा संगीतकार नरहरी प्रेमीको संगीत र स्वरमा रहेको “घर छोडेको मान्छे” शिर्षकको गीत सार्बजनिक भएको छ। बिमला हुमागाईंको शव्द रहेको उक्त गीतलाइ बोध अनलाइन टिभी युट्युब च्यानल मार्फत प्रस्तुत गरिएको हो।
“घर बनाउनलाई घर छोडेको मान्छे, मन बनाउनलाई मन तोडेको मान्छे” जस्ता मर्मस्पर्शी शब्द रहेको उक्त गीतको अडियो भिडियो फाइन ट्युनिंग स्टुडियोमा रेकर्ड गरिएको छ भने निर्देशन भने स्वयम गीतकार बिमला हुमागाईले गर्नु भएको छ। त्यस्तै निर्माणमा मेकअप आर्टिस्ट संगम गाहा, सिनेमेटोग्राफर मुकेश हुमागाईं, एडिटर बिनोद बम रहेका छन्।
यो गीतका गायक नरहरी प्रेमी एक कुशल संगीतकार र गीतकार समेत हुन्। उनले सुमधुर भजनहरु लगायत तिमीलाई हेरेर,भाका, मेरो जस्तो माया जस्ता गीतहरुमा आफ्नो आवाज दिएका छन्। उनले नेपाली लगायत भोजपुरी भाषामा पनि गीत सृजना, संगीत र आवाज दिएका छन्। संगीतको बिशेष ज्ञान हाँसिल गरेका नरहरी प्रेमी नेपाली संगीत आकाशका एक उज्ज्वल नक्षत्र हुन्।