टेक्सासको स्कुलमा फेरी अर्को हत्याकाण्ड
टेक्सासमा फेरी अर्को सामुहिक हत्याकाण्ड भएको छ। टेक्सासको युभाल्ड सिटीको रब प्राथमिक बिद्यालयमा भएको उक्त हत्याकाण्डमा यो रिपोर्ट तयार पार्दासम्म १८ जना बालबालिका र एकजना शिक्षकको मृत्यु भएको छ। १८ बर्षिय बन्दुकधारीले हाते बन्दुक र राइफलको प्रयोग गरेर यसरी हत्या गरेको टेक्सासका गभर्नर ग्रेग एबोटले जानकारी गराएका छन्।
दुइ, तीन र चार कक्षामा पढ्ने बिद्यार्थीहरु यो हत्याकाण्डका शिकार भएको सुरक्षा अधिकारीहरुले जानकारी गराएका छन्। घटनामा संलग्न उक्त व्यक्ति पनि सुरक्षा निकायको कारबाहीमा मारिएको छ। उक्त व्यक्ति युभाल्ड उच्च माध्यामिक बिद्यालयमा अध्ययनरत बिद्यार्थी रहेको जानकारी गराइएको छ। उक्त व्यक्तिको नाम साल्भाडोर रामोस रहेको र उसले स्कुलमा प्रवेश गर्नु अघि आफ्नो हजुरआमालाई समेत गोलि हानेको जनाइएको छ। घटनामा घाइते भएका सबैको स्थानीय अस्पतालमा उपचार भैरहेको छ।