दर्पणछाया निर्माता गीतकार नायिका मोडल रहेको पहिलो म्युजिक भिडियो “अरुको बन्न सकिन”
काठमाडौ – नेपाली चलचित्र दर्पणछाया २ कि नायिका साहारा कार्कीले अभिनय गरेको पहिलो म्युजिक भिडियो बजारमा आएको छ । गीतकार साबु गदाल कार्की (साबुरबी )को शब्द अर्जुन पोख्रेलको संगीत र जिना रसाइली को स्वर रहेको “अरुको बन्न सकिन” बोलको गीतको म्युजिक भिडियोमा साहारालाई साथ दिएका छन दर्पणछाया २ कै नायक फिरोज तिमल्सिनाले ।
अमेरिकाको विभिन्न स्थानमा छायांकन गरिएको म्युजिक भिडियोलाइ फिरोज तिमल्सिनाले निर्देशन र सम्पादन गरेका हुन भने दर्पन उदासले छायांकन गरेको म्युजिक भिडियोलाई रबि कार्की ले निर्माण गरेका हुन । म्युजिक भिडियो द डिभाइन म्युजिकको च्यानलबाट सार्बजनिक गरिएको हो । ठूलो पर्दाको चलचित्रको पर्दामा अभिनय गरे पनि म्युजिक भिडियोमा साहाराको यो डेब्यु हो ।
प्रेम बियोगको भाव समेटिएको यस गीतका रचनाकार गीतकार साबुरबिका यस अघि साबुका शब्दमा प्रसिद्ध गायक गायिकाहरु राम कृष्ण ढकाल, राजेश पायल राई, यम बराल, शिव परियार, स्वरुप राज आचार्य, सपना श्री, अन्जु पन्त, साधना सरगम, मेलिना राई, रजिना रिमाल ,कर्णदास, यस कुमार, दीपक लिम्बु, बलराम समाल, कृष्णभक्त राई, कल्पना दाहाल लगाएतले स्वर दिएका छन भने आलोक श्री, टिका भण्डारी, बसन्त सापकोटा ,राजु सिंह, चन्दन लोम्जेल, बलान्दा राई लगाएतका संगीतकार हरुले साबुका शब्दमा संगीत भरेका छन । “अरुको बन्न सकिन ” भने साबु , अर्जुन र जिनाको पहिलो सहकार्य हो । यो गरि ४ ओटा एल्बम र चलचित्रसहित तिन दर्जन बढी गीत सार्बजनिक भैसकेका छन । कुनै बेलाकी रेडियोकर्मी समेत रहेकी साबु चलचित्रकर्मी पनि हुन । दर्पणछाया २ उन्ले निर्माण गरेको चलचित्र हो । इलाम फिक्कल घर भै हाल अमेरिकामा रहेकी गीतकार साबुरबि अन्तर्राष्ट्रिय नेपाली कलाकार समाज इनास को बर्तमान कार्यसमितिको उपाध्यक्ष हुन भने कोलोराडो-अमेरिकाका लागि पर्यटन सदभावना दूत, रहंदै आएकी छिन
केही समयको अन्तराल पछि “अरुको पनि बन्न सकिन ” बोलको सिङ्गल ट्र्याक रिलिज गरेकी साबु भन्छिन- गीतका शब्दले अरुको बन्न सकिन भने पनि आशा छ सबै दर्शक र श्रोताको बन्न सक्ने छु । भिडियो र गीत उत्कृष्ट बनेको प्रतिक्रिया पाइरहेको साबुले बताइन ।