गीतकार पुष्पा खनालको माया सार्वजनिक

काठमाडौँ । गीतकार, कवि पुष्पा खनालको गीत ‘माया केवल माया’ आज सार्वजनिक भएको छ ।

आफ्नो जन्मदिन पारेर गीतकार खनालले आफ्नै युट्युव च्यानल मार्फत् गीत सार्वजनिक गरेकी हुन् । सरोज कोइराला र अञ्जु पन्तको स्वर रहेको गीतको सरोज आफैँले सङ्गीत गरेका हुन् ।

गीतको भिडियोमा नायक तथा मोडल श्रीदेव भट्टराई र मिस आर्यन ममता चापागाईँ तथा चर्चित गीतकार, सञ्चारकर्मी लोकराज अधिकारीको अभिनय रहेको छ । गीतको सङ्गीत संयोजन गोविन्दमधुर आचार्यले गरेका हुन् । हेम प्रभासको अवधारणा र निर्देशनमा अजय रेग्मीले म्युजिक भिडियोको छायाङ्कन गरेका हुन् । म्युजिक भिडियोको सम्पादन सन्तोष दवाडीले गरेका हुन् ।

गीतकार खनालका अञ्जु पन्त नरेन्द्र प्यासीले गाएको सुनेँ तिम्रो खुशी, सरोज कोइरालाले गाएको यो आँखाको पानीलाई तथा विन्दु परियारले गाएको आमा गीत निकै चर्चामा रहेका छन् ।