फेरी आयो थानेश्वर गौतम र शान्तिश्री परियारको मर्मस्पर्शी गीत
काठमाडौँ। “छुट्नलाइ पो रैछ क्यारे” बोलको गीत हालै सार्बजनिक भएको छ। गीतसंगै म्युजिक भिडिओ पनि सार्बजनिक गरिएको छ। यस गीतमा चर्चित कलाकारहरु थानेश्वर गौतम र शान्तिश्री परियारको स्वर रहेको छ। अधिकांश दृश्यहरु पोखरामा खिचिएको यो म्युजिक भिडिओमा कलाकार पुष्प खड्काको अभिनय रहेको छ भने जानु पोख्रेलले पहिलो पल्ट यहि गीत मार्फत सांगीतिक क्षेत्रमा आफ्नो यात्रा शुरु गरेकी छन्।
बाग्लुङ्ग जिल्लाको गल्कोट ज्यामिरे निबासी थानेश्वर गौतमले यसमा संगीत दिएका छन् भने शब्द प्रभा बर्तौलाको रहेको छ। गीतमा एक प्रेम जोडी परिस्थितिबस छुट्टिनु परेको व्यथालाई मार्मिक रुपमा प्रस्तुत गरिएको छ। प्रेम एकातिर गरेर जातिय वा बर्गीय अन्तरको कारणले एक हुन नपाउने प्रशस्त उदाहरणहरु रहेको हाम्रो नेपाली समाजको त्यहि बिषयबस्तुलाइ गीतमा प्रस्तुत गरिएको छ। गीतमा स्थानीय रुपमा बोलिने भाषा देखि पहिरन, शुटिंग स्थल र देखाइएका सामाग्रीहरु समेत गाउँघरको झझल्को दिने खालका छन्। गायक थानेश्वर गौतमले आफ्ना प्राय रचनामा गाउँले झल्को दिने प्रयास गर्दै आएका छन्।
यो गीत निकै मार्मिक छ। शब्दसंगै दृश्यहरु समेत मन रुवाउने खालका छन्। यो गीत निकै रुचाइएकोमा गायक थानेश्वर दंग परेका छन्। आफ्ना पुराना रचनाहरु जस्तै यसले पनि केहि संदेश सहित समाजको ऐना बन्नेमा उनी आशाबादी देखिन्छन।
भिडियोमा कलाकारहरु प्रकाश घिमिरे, नवराज गिरी, आशिष अधिकारी, आकृति पण्डित, सृष्टि केसी, उज्वल ढकाल, राजन केसी, आभा पोखरेल, शशांक श्रेष्ठले समेत अभिनय गरेका छन्।