“केवलपुरे प्रतिक”को दोबाटोमा नकुर है सार्वजनिक

गीतकार राजकुमार कोइराला “केवलपुरे प्रतिक” को नयाँ गीत “दोबाटोमा नकुर है” सार्वजनिक भएको छ ।

गीतकार केवलपुरे प्रतिकको यो गीतमा स्वर, सङ्गीतका साथ सङ्गीत संयोजन, रेकर्डिङ, मिक्सिङ सबै गायक सुरेश शम्शेरको रहेको छ । “पप” बिधाको यो गीत गायक सुरेशले आफ्नै युट्युव च्यानलमार्फत सार्वजनिक गर्नुभएको हो ।

बिदेशिने युवायुवतीको आफ्नो नजिकको व्यक्तिसँग छुट्टिनुको पीडा र दुःखलाई गीतमार्फत देखाउन खोजिएको छ । गीतले भोलिको स्वर्णिम् समयप्रति आशावादी हुन पनि हौस्याएको छ । ठेट नेपाली शब्द खोजी खोजी गीत लेख्ने गीतकार केवलपुरे प्रतिक र गायक सुरेशको यो पहिलो गीति सहकार्य हो । बिशेष गरी गीतकार मामा श्रीपुरुष ढकालबाट आफू धेरै प्रेरित भएको प्रतिक बताउनुहुन्छ ।