शिव प्रधानको औपन्यासिक कृति ‘रुदिना’ सार्वजनिक
काठमाडौं । उपन्यासकार शिव प्रधानको औपन्यासिक कृति ‘रुदिना’ सार्वजनिक भएको छ । शुक्रबार एक समारोहका बीच प्रमुख अतिथि वरिष्ठ आख्यानकार परशु प्रधानले रुदिनाको लोकार्पण गर्नुभयो ।
नेपाल स्रष्टा समाजद्वारा आयोजित कार्यक्रममा ‘रुदिना’ लोकार्पण गर्दै आख्यानकार परशु प्रधानले ‘शिव प्रधानको कृतिले अरुलाई पनि प्रेरणा दिने बताउँदै या कृति मुलतः हङकङको आइडी सङ्घर्ष हो भन्नुभयो ।
प्रा.डा. गोविन्दमानसिंह कार्कीले ‘रुदिना’मा उत्तरआधुनिकतावाद र यौन मनोविज्ञानको प्रयोग रहेको बताउनुभयो । कृतिले विदेशमा बस्ने नेपालीहरूको पीडा बोलेको साहित्यकार तर्कना शर्माले बताउनुभयो । सर्जंक शिव प्रधानका यसअघि दुई पुस्तक प्रकाशित भइसकेका छन् ।
नेपाल स्रष्टा समाजका अध्यक्ष विधान आचार्यको अध्यक्षतामा सम्पन्न कार्यक्रममा समाजका संरक्षक पवन आलोक, उपन्यासकार शिव प्रधान, महासचिव पुष्पा खनाललगायतले बोल्नुभएको थियो ।