डालस फोर्ट वर्थ कृष्ण प्रणामी मन्दिरमा रक्तदान सम्पन्न
डालस, टेक्सास । डि.एफ.डब्लु श्री कृष्ण प्रणामी हिन्दुसमाजको आयोजना, बि.डि.ए.(ब्लड डोनर्स अफ अमेरिका) को समन्वय र कार्टर ब्लड केयर को प्राविधिक सहयोगमा डिसेम्बर २१, २०१९ मा खुल्ला रक्तदान कार्यक्रम सम्पन्न भयो । उक्त कार्यक्रम यसै समितिका अध्यक्ष
श्री राजुहुमगाईको अध्यक्षतामा सम्पन्न भएको थियो । सो कार्यक्रममा १० महिला सहित ३० जना रक्तदाताहरुले रक्तदान गर्नु भएको थियो ।
श्री कृष्ण प्रणामी धर्म, निजानन्द सम्प्रदायमा दिक्षित नेपालको विभिन्न क्षेत्रबाट बसाइ–सराइको क्रममा डालस फोर्टवर्थ क्षेत्रमा आउनु भएका नेपाली श्री कृष्ण प्रणामीहरुको अगुवाईमा सन्२०१६ मा श्री चन्द्र प्रसाईको अध्यक्षतामा विधिवत रुपमा डि.एफ.डब्लुश्री कृष्ण प्रणामी हिन्दुसमाज डालस टेक्ससको स्थापना भएको थियो ।
यसअघि सन २००८ बाट यसै क्षेत्रमा रहेका प्रणामी भक्तजनहरुबाट श्री कृष्ण प्रसाद पौडेलको नेतृत्वमा तदर्थ समिति गठन भइ सोही समितिको पहलमा नियमित मासिक सत्सङ्ग कार्यक्रम सञ्चालन भइरहेकोमा प्रणामी भक्तजन एवम्अन्य सहयोगी दाताहरुको आर्थिक सहयोगमा टेक्सासको हषर््टमा सन् २०१७ मा मन्दिर खरिद गरि नियमित सत्सङ्ग एवम्अन्य धार्मिक तथा सामाजिक कार्यक्रमहरु
सञ्चालित भइरहेको छ ।
नेपाली समाजको वृद्धि र विस्तार संगै प्रबासमा पनि मन्दिरहरु स्थापना हुने क्रम बढेको छ । रक्तदान जस्तो महादान गर्न समय र मन्दिर उपलब्ध गराएर कृष्ण प्रणामी नेपाली समुदायले आफ्नो समाज प्रतिको दायित्व गहन रुपमा निर्वाह गरेको ब्लड डोनर्स अफ अमेरिका टेक्सास च्याप्टरका अध्यक्ष शिव काफ्लेले उल्लेख गर्नु भयो । कृष्ण प्रणामी मन्दिरमा रक्तदान गर्दा कृष्ण प्रणामी नेपाली समुदायको सेवा र धर्मको अनुपम उदहारण प्रस्तुत भएको आफुले अनुभव गरेको काफ्लेले बताउनु भयो । उक्त समुदायका व्यक्तिहरुको सेवाभाव र काम गर्ने शैली नेपाली समाजका अन्य संस्थाहरुमा पनि अनुसरण गर्न सके अमेरिकाको नेपाली समाज शुद्ध र गर्ब गर्न लायक हुनेमा शंका गर्ने कनै ठाउँ रहने छैन ।
