फ्लोरिडामा अर्को गोलीकाण्ड: ४ जनाको मृत्यु

पेन्साकोला, फ्लोरिडा । आम गोलीकाण्डहरु भैरहने अमेरिकामा शुक्रबार बिहान फ्लोरिडाको पेन्साकोलामा रहेको हवाई आधार क्षेत्रमा फेरी अर्को गोलीकाण्ड भएको छ । उक्त घटनमा गोलिकाण्डमा सहभागी रहेको भनिएको व्यक्ति सहित ४ जनाको मृत्यु भएको छ भने अरु ८ जना घाइते भएका छन् । घटना भएको अमेरिकी सेनाको हवाई बेसले ठुलो क्षेत्र ओगटेको छ जसमा सैनिक र गैर सैनिक गरी करिव २०००० मानिसको बसोबास छ ।

प्रहरीका अनुसार गोलि चलाउने व्यक्ति साउदी नागरिक भएको पुस्टि भएको छ भने अरु विवरण आउन बाँकी छ । यो आतंकबादी घटना हो या होइन भन्ने टुंगो लागेको छैन भने एफबिआइले त्यसबारे बिस्तृत अध्ययन गरिरहेको छ । अत्याधुनिक हतियार सहित भित्र पस्न नमिल्ने उक्त स्थलमा बन्दुकिधारीले हाते बन्दुक लिएर आक्रमण गरेको जनाइएको छ । बन्दुकधारी र मृतक एबम घाइतेहरुको नाम भने सार्बजनिक गरिएको छैन ।
फ्लोरिडामा उक्त स्थलमा बिस्वभरीबाट हवाई तालिम लिन बिद्यार्थीहरु आउने गर्छन । घटना हुँदा पनि त्यहाँ करिव दुइ सय प्रशिक्षार्थिहरु सहभागी भैरहेको जनाइएको छ ।