राजदुत गोर्डन सुनुवाई : ट्रंप र रिपब्लिकन पार्टीको लागि घातक

वाशिंटन डिसी । रास्ट्रपति ट्रंप माथि महाभियोग लगाउने वा नलगाउने निर्क्यौल गर्न जारी सुनुवाईहरु चलिरहेका छन् । आज मात्र तत्कालिन इयु राजदुत गोर्डन सोन्डल्याण्डले आफ्नो कुरा व्यक्त गरेका छन् । यस अघि पनि उनले कांग्रेसका सदस्यहरुसंग बन्द सेसनमा आफ्ना धारणा राखिसकेका थिए । उनले सार्बजनिक सुनुवाईमा डोनाल्ड ट्रंपको युक्रेन नीति र त्यसमा ट्रंपको के चासो थियो भन्ने स्पस्ट गरेका छन् । झन्डै ४ सय मिलियन डलरको सहयोग रोक्कामा रास्ट्रपतिका सम्भावित प्रतिद्वन्दी जो बाइडेन र उनका छोरा हन्टर बाइडेन संलग्न बुरिस्मा नामक उर्जा कम्पनी माथि अनुसन्धान जोडिएको थियो भन्ने छर्लंग पारेका छन् ।

बिगत केहि हप्ता देखि क्यापिटल हिलमा रास्ट्रपति ट्रंपको रिपब्लिकन पार्टी र डेमोक्र्याटिक पार्टीबीच बिभिन्न खाले अड्कलबाजी भैरहेका थिए । रिपब्लिकनहरु क्विड प्रो को अर्थात् “यसको लागि त्यो” नभएकोले रास्ट्रपति दोषी नभएको तर्क गर्दै आइरहेका थिए । उनीहरुले बाहिरबाट सुनेका व्यक्तिहरुका कुराका आधारमा बास्तविक कुरा थाहा नपाइने उनीहरुको भनाइ थियो । तर रास्ट्रपतिसंग प्रत्यक्ष सम्पर्कमा रहेका र युरोप र युक्रेनको मामिला हेर्न खटाइएका गोर्डन सन्डल्याण्डको सुनुवाईबाट उनीहरुको उक्त तर्क कम्जोर भएको छ । युक्रेनी रास्ट्रपतिले चाहेको ट्रंपसंगको व्हाइट हाउसको मिटिंग र युक्रेनलाइ अत्याबस्यक सहयोगमा बुरिस्माको अनुसन्धानको सार्बजनिक घोषणा शर्तको रुपमा राखिएको उनले स्पस्ट पारेका छन् ।
गोर्डनले रास्ट्रपति ट्रंपको आदेशमा उनका वकिल रुडी जुलियानीसंग मिलेर काम गरेको र आफुले त्यो नरुचाएको स्पस्ट पारेका छन् । जुनसुकै तरिकाले भए पनि युक्रेनलाइ अत्याबस्यक रहेको सहयोग उपलब्ध गराउन आफुहरुले प्रयास गरेको उनले स्पट पारेका छन् भने यसमा माइक पम्पेओ, रिक् परी र माइक पेन्स समेत जानकार रहेको स्पस्ट पारेका छन् । रास्ट्रपतिको चासो युक्रेनको भ्रस्टाचार भन्दा पनि बुरिस्मा र २०१६ को चुनाव सम्बन्धि अनुसन्धानमा रहेको उनले स्पस्ट गरेका छन् ।

अत्यधिक राजनीतिकरण भएको यो मुद्धामा रिपब्लिकनहरु जुनसुकै मुल्यमा पनि ट्रंपलाइ बचाउन लागेका देखिन्छन । उनीहरुले प्रक्रियाको बिरोध देखि यो गल्ति महाअभियोग लगाउन सकिने खालको नभएको भन्ने सम्म आइपुगेका छन् भने डेमोक्र्याटहरु कांग्रेसका हरेक कदममा तगारो खडा गर्ने रास्ट्रपति ट्रंपलाइ पाठ सिकाएरै छोड्ने मनस्थितिमा देखिन्छन । यो समग्र प्रक्रियाले अमेरिकी जनताका दैनिक समस्याहरुमा भने खासै सहयोग नपुग्ने देखिन्छ । दुइ वटा पार्टीहरुको साँढे जुधाईमा जनता बाच्छा झैं मिचिने स्पस्ट छ ।