चिरप्रतिदोन्दि भारत संग हार्यो पाकिस्तान
June 17, 2019 | 5:21 am
जुन १६, डालस / क्रिकेट प्रेमिहरुले छुट्टै नजरले हर्ने भारत र पाकिस्तान बिचको खेलमा भारत विजयी भयको छ । एक दिवसिय विश्वकप क्रिकेटको ईतिहास हेर्दा हालसम्म पाकिस्तानले भारतलाई पराजित गर्न सकेको छैन। विश्वकपमा दुई टिम सातौँ पटक प्रतिस्पर्धा गर्दा गर्दै कहानी फेरी दोहोरिन पुगेको छ,अर्थात भरत फेरि बिजयी भएको छ ।
ओल्ड ट्रयाफर्ड म्यानचेस्टर मैदानमा भारतले दिएको ३३७ रनको लक्ष्य पछ्याउने क्रममा खेल वर्षाले पटक पटक अबरुद्ध गर्यो । आईसीसी एकदिवसीय विश्वकपमा भारतले पाकिस्तान बिरुद्धको अपराजित यात्रा कायमै राखेकोछ। सन् १९९२ देखि विश्वकपमा भारतले पाकिस्तानलाई सातौँ पटक पराजित गरेपछि पाकिस्तानको भारतबिरुद्ध विश्वकपमा जित निकाल्ने प्रतीक्षाको घडि पुनः लम्बिएको छ ।
भारतले दिएको ३३७ रनको लक्ष्य पछ्याउने क्रममा पाकिस्ताान ३५ ओभरमा १६६/६ को स्थितिमा रहंदा वर्षाा पनःसुचारु हुँदा दोश्रो इनिंग ४० ओभरमा छोट्याइएको थियो। बाँकी ५ ओभरमा पाकिस्तानलाई जित्न १३६ रन आवस्यक रहेको थियो। असम्भव लक्ष्य पाकिस्तानले पछ्याउन सकेन र खेल डीएल मेथडमा भारत ८९ रनले विजयी भयो।
जितसंगै ४ खेलमा ३ जित र १ नतिजाविहिन खेल रहंदा भारत अंकतालिकाको दोश्रो स्थानमा उक्लेको छ। समान नतिजा सहित ७ अंक रहेपनि न्युजिल्याण्ड नेटरन रेटमा पछि रहँदै तेश्रो स्थानमा रहेको छ। अस्ट्रेलिया ५ खेलमा ४ जित सहित पहिलो तथा इंग्ल्याण्ड ६ अंक सहित चौथो स्थानमा रहेको छ। लक्ष्य पछ्याउने क्रममा पाकिस्तान एक समय ११७/२ ( २३.६ ) को राम्रो अवस्थामा रहेको थियो। तर त्यसपछि पाकिस्तानले लगातार विकेट गुमाउन पुग्यो।ओपनर फखर जमानले सर्वाधिक ६२ , बाबर आजमले ४८ तथा इमाद वासिमले अविजित ४६ रन बनाए।पाकिस्तानले ४० ओभरमा ६ विकेट गुमाएर २१२ रन बनाउन सक्यो।भारतको लागि बलिंगमा भिजे शंकर, हार्दिक पान्ड्या र कुलदिप यादबले २/२ विकेट लिए।