श्रद्दा (सीता) अधिकारी एनआरएन अमेरिकाको बोर्ड अफ डिरेक्टर की उम्मेदवार

डालस, टेक्सास । एनआरएन अमेरिकाको आगामी कार्यकाल २०१९/२१ को लागि टेक्सास निवासी श्रद्धाको नामले चिनिने सीता अधिकारीले बोर्ड अफ डिरेक्टरमा उम्मेद्वारी दिएकी छिन । एनआरएन अमेरिकामा महिलाहरुको सहभागिता न्यून हुँदै आएको परिबेशमा अधिकारीको उम्मेदवारीले त्यसलाई अलिकति भए पनि सम्बोधन गर्ने आशा गर्न सकिन्छ ।
टेक्सासमा हुने करिव हरेक कार्यक्रममा उनले सकेसम्म सहभागिता र सक्रिय सहयोग समेत गर्दै आएकी छिन । अमेरिकामा रहेका नेपाली संघसंस्थाहरुमा महिलाहरुको नेतृत्वको कुरा त परै छोडौं, सहभागिता समेत न्यून छ, त्यसलाई केहि परिवर्तन गर्न आफु उम्मेदवार बनेको अधिकारीको भनाइ छ । बोर्ड अफ डिरेक्टरमा निर्बाचित भएमा नेपाली समुदायको सेवाको लागि स्थायी स्वास्थ्य क्लिनिकको व्यवस्था गर्ने उनको योजना रहेको बताइन । डालसबाट शुरु गरेर अमेरिकाभर नै यस्तो स्वास्थ्य क्लिनिक स्थापना गर्ने उनको योजना छ ।

धेरै नेपालीहरु डाक्टरकोमा जान डराउँछन । नेपालबाट भिजिट भिसामा आउनेहरुले त औषधि किन्न पनि निकै गाह्रो छ । यस्तोमा स्थायी स्वास्थ्य क्लिनिकको खाँचो रहेको श्रद्धा (सीता) अधिकारी बताउँछिन । महिला सहभागिताको हिसाबले होस् वा मेरो समुदायमा सक्रियताको हिसाबले होस् वा मेरो एनआरएनमा गएर नेपालीहरुलाई सहयोग गर्ने योजनाले होस्, मतदाताहरुले मलाई मतदान गर्ने आशा गरेकी छु, उनले स्पस्ट पारिन ।
महिला सहभागिताको हिसाबले एनआरएनमा अहिले पनि उम्मेदवारहरुको खडेरी नै छ । यस्तोमा समाज र एनआरएन अभियानको लागि श्रद्धा (सीता) अधिकारी जस्ता सक्रिय उम्मेदवारहरुको प्रवेशले सकारात्मक भूमिका खेल्ने कुरामा विश्वास गर्न सकिन्छ ।