नेपाली सांस्कृतिक तथा आध्यात्मिक केन्द्रको अध्यक्षमा सुरेश पोख्रेल निर्बिरोध निर्बाचित
डालस, टेक्सास । डालसको नेपाली समाजको एकताको केन्द्र नेपाली सांस्कृतिक तथा आध्यात्मिक केन्द्रले नयाँ नेतृत्व पाएको छ । निबर्तमान कार्यसमितिमा महासचिवको पदमा रहेर उल्लेखनीय काम गरेका सुरेश चन्द्र पोख्रेलको अध्यक्षतामा नयाँ कार्यसमिति गठन भएको छ । नयाँ कार्यसमितिको निर्बाचनमा उम्मेद्वारी दिन गत हप्तासम्मको म्याद भए पनि पोख्रेल बाहेक कसैको उम्मेदवारी नपरेपछि उहाँ निर्बिरोध निर्बाचित हुनुभएको हो ।
डिसेम्बर १६ सम्म उम्मेद्वारी दिने अबधि रहे पनि सबै पद निर्बिरोध बने । डिसेम्बर २२ मा केन्द्रद्वारा प्रेसित चुनावी नतिजा अनुसार अध्यक्षमा सुरेश चन्द्र पोख्रेल सहित उपाध्यक्ष अचुत थापा र सुदिप अधिकारी, महासचिव छवी चापागाईं, सचिव दिनानाथ न्यौपाने, कोशाध्यक्ष शैलेन्द्र मानन्धर, सह-कोशाध्यक्ष अमोद श्रेष्ठ निर्बिरोध निर्बाचित हुनुभएको छ भने कार्यकारी सदस्यहरुमा भेष राज सिवाकोटी, गगन केसी, हरि अधिकारी र लक्ष्मी अधिकारी निर्बाचित हुनुभएको छ ।
त्यसै गरी केन्द्रको बोर्ड अफ ट्रस्टिको अध्यक्षमा बिनय अर्याल पुन: निर्बिरोध निर्बाचित हुनुभएको छ भने रबिन खनाल उपाध्यक्ष, उपाध्यक्षमा मनोज सिग्देल र सचिवमा सृजना पोख्रेल निर्बाचित हुनु भएको छ ।
नेपाली सांस्कृतिक तथा आध्यात्मिक केन्द्रको बिधान अनुसार हरेक दुइ बर्षमा नयाँ कार्यसमितिको निर्बाचन हुनुपर्ने प्राबधान छ ।
निर्बाचन समिति २०१८ ले समग्र प्रक्रियामा भाग लिनेहरुलाई धन्यवाद एबम विजयीहरुलाई बधाई दिदै आफु यो प्रक्रियाको एक भाग हुन पाउँदा खुशी लागेको जनाएको छ ।
निर्बाचनको प्रक्रिया सम्पन्न गर्न केन्द्रले नेपाली समाज टेक्सासका पूर्व अध्यक्ष बैकुण्ठ बिक्रम थापाको नेतृत्वमा एनएसटी पुर्ब अध्यक्ष प्रेम अधिकारी र महेन्द्र पौड्याल रहेको ३ सदस्यीय निर्बाचन समिति गठन गरेको थियो ।