धिरेन शाक्यकोे अन्तरजातीय बिहे :अन्जु र मनोजले भने -मर्छु बरु छटपटिमा ( भिडियो )
प्रसिद्ध अभिनेता धिरेन शाक्य र अभिनेत्री कमला दाहाल अभिनित नयाँ गीतको म्यूजिक भिडियो सार्बजनिक भएको छ । भिडियोमा अन्तरजातीय बिवाहको कथालाई उठाइएको छ । यो बिवाह पछि परिवारमा उत्पन्न तनाव र त्यसपछिका घटनाक्रमलाई मनछुने तरिकाले प्रस्तुत गरिएको छ । शन्देशमूलक यो भिडियोलाई प्रसिद्ध नृत्य निर्देशक राजु शाहले निर्देशन गरेका हुन ।
अभिनेत्री कमला दाहाल नेपाल आएका बेला छायाँकन गरिएको यो गीतको शब्द मर्म र अभिनय बाट आफू अन्यन्त आशावादी रहेको दाहालले बताएकी छन । भिडियोमा शाक्य, दाहाल संगै रश्मी भटट्ट , दिनेश श्रेष्ठ , बिमला खतिवडा, को पनि अभिनय रहेको छ । दिब्यराज सुबेदीले क्यामरा चलाएको यो भिडियोलाई दिन्सन शाहले सम्पादन गरेका हुन । भिडयोका प्रस्तुतकर्ता मदन ढकाल रहेका छन ।
गीतकार लोकराज अधिकारीको एकल गीति संग्रह डिभोर्समा संग्रहित यो गीतमा अन्जु पन्त र मनोजराजको स्वर रहेको छ । गोबिन्द मधुर आचार्यको संगीत र हेमन्त शिशिरको संगीत संयोजन रहेको यो गीतको मेल फिमेल भर्सन पनि छ । जस्को यस अघि नै म्युजिक भिडियो सार्बजनिक भैसकेका छन । माउन्टेन म्यूजिकको आधिकारीक च्यानलबाट सार्बजनिक गरिएको यो भिडियो दर्शकले रुचाउनेमा गीतकार अधिकारी आशावादी छन ।
भिडियो निर्देशक शाहले पनि गीत अत्यन्त मर्मस्पर्शी भएकाले आफूलाई छोएको बताएका छन । सबै प्रकारले उत्कृष्ट गीतको भिडियोले शन्देश पनि बोकेकाले दर्शकले मन पराउने उनको दाबी छ ।