डालस एभरेस्ट लायन्स क्लबको आठौँ प्रतियोगितात्मक कबि गोष्ठी अक्टोबर २८ गते
डालस, टेक्सास । नेपाली भाषा र साहित्यको बिकासमा समेत डालस एभरेस्ट लायन्स क्लबले उल्लेख्य काम गरेको छ । यतिबेला डालसमा अन्य साहित्यिक संस्थाहरु पनि खुलेका छन् तर डालस लायन्स क्लबले धेरै पहिले देखि आफुलाई नेपाली भाषा र साहित्यको सेवामा समर्पण गर्दै आएको छ । यहि क्रममा आठौँ प्रतियोगितात्मक कबि गोष्ठी समेत अक्टोबर २८ आइतबार अपरान्ह ३:३० बजे देखि आयोजना गर्दैछ ।
कार्यक्रम संयोजक शशि भट्टराईका अनुसार प्रतियोगिता खुल्ला हुनेछ भने प्रथम हुनेले एकसय पचास डलर, द्वितीय हुनेले एकसय डलर र तृतीय हुनेले पचास डलर नगद पुरस्कार समेत प्राप्त गर्नेछ । कबि गोष्ठी नेपाली मन्दिरको सभाहलमा सम्पन्न हुनेछ । उक्त कबि गोष्टिमा सहभागी भएर कविता बचन एबम श्रवण गर्नुहुन डालसबासिमा डालस एभरेस्ट लायन्स क्लबले हार्दिक अनुरोध गरेको छ ।
लायन्सले ग्राउलियर मार्गको स्वामित्व ग्रहण गर्ने
नेपालीहरुको बाक्लो बस्ति रहेको डालसमा धेरै संस्थाहरु छन् । ती संस्थाहरु मध्ये निकै पुरानो र सक्रिय संस्था डालस एभरेस्ट लायन्स क्लब हो । यसले नेपाल देखि अमेरिका सम्म बेलाबखत बिभिन्न सामाजिक कामहरु गर्दै आएको छ । डालस क्षेत्रमा त यसले लगभग हरेक महिना जसो केहि न केहि कार्यक्रम गर्दै आएको छ ।
बिशुद्ध रुपमा स्वयंसेवा गर्ने उद्देस्यले स्थापित यो संस्थाले फेरी अर्को जिम्मेवारी बहन गर्ने भएको छ ।
अर्भिंग सिटिसंग डालस एभरेस्ट लायन्स क्लबले एक सम्झौता गरेको छ जसमा नेपाली मन्दिर रहेको ग्राउलियर रोडको मन्दिर वरिपरिको आधा माइल क्षेत्रको सडकको स्वामित्व ग्रहण गरेको छ । सो सम्झौता अनुसार यो क्षेत्रमा प्रत्यक महिना सरसफाई कार्यक्रम देखि सो सडक वरिपरिका रुखहरुलाई साइजमा ल्याउने देखि मन्दिर परिसरको सरसफाई पनि यसै अन्तर्गत पर्दछ । उक्त सम्झौता पछि आगामी २८ एक कार्यक्रमका बीच अर्भिंग सिटिका मेयर रिक् स्टफ़रले रिबन काटेर सरसफाई कार्यक्रम शुरु गरिने क्लबका अध्यक्ष थलराज पन्तले जानकारी गराउनु भएको छ । यो कार्यक्रमका संयोजक हाइवे इन्जिनियर सुर्यनाथ भण्डारी हुनुहुन्छ ।