नेपाली विद्याथीहरुको लागि टेक्सासको अर्लिङ्ग्टनमा सेमिनार हुने
डालस, टेक्सास । नेपाली समाज टेक्सास र अर्लिङ्ग्टनमा रहेको टेक्सास बिस्वबिद्यालका नेपालीहरुको बिद्यार्थी संगठनको संयुक्त आयोजनामा एफवान बिद्यार्थी सेमिनार हुने भएको छ । सेमिनार कार्यक्रमकी संयोजक श्रद्धा श्रेष्ठका अन्सुअर २५ अगस्त सनिबार ६ देखि ९ बजेसम्म उक्त सेमिनार सम्पन्न हुनेछ ।
टेक्सासको डालस नेपाली बिद्यार्थीहरुको लागि पहिलो गन्तब्य बनेको छ । सोहि अनुसार लगभग हरेक कलेज र बिस्वबिद्यालयहरुमा नेपाली बिद्यार्थीहरुको राम्रो संख्या रहेको छ । संख्यामा वृद्धि अनुसार उनीहरुले व्यहोर्ने समस्या र त्यसका नकारात्मक असरहरु समेत बढ्दै गएका छन् । सोहि समस्याहरुलाइ ध्यानमा राखी नेपाली समाज टेक्सासको वर्तमान कार्यसमितिले निर्बाचित भएको अर्को हप्ता नै एक यस्तै खाले सेमिनार नेपाली समाज टेक्सासको हलमा सम्पन्न गरेको थियो । त्यसैको निरन्तरता स्वरुप यो सेमिनार गर्न लागिएको छ ।
सेमिनारले धेरै कुरा कभर गर्ने छ । टेक्सास बिस्वबिद्यालय आर्लिङ्ग्टन लगायत वरिपरिका अन्य बिस्वबिद्यालयहरुमा भर्ना हुँदा, ट्रान्सफर हुँदा वा अन्य अबस्थामा गर्नु पर्ने कामहरुबारे जानकारी गराइनेछ । एक एफवान बिद्यार्थीले थाहा पाउनु पर्ने सामान्य जानकारी, अपनाउनु पर्ने कानुनी सजगताहरु, आफ्नो बिद्यार्थी स्टाटस कायम राख्न गर्नु पर्ने कामहरु लगायतका अत्यन्त महत्वपूर्ण बिषयहरु सेमिनारमा समेटिनेछन् ।
यी सुचनामुलक र जानकारी मुलक कार्यक्रमको साथसाथै कला प्रदर्सनी, सांस्कृतिक प्रस्तुति, रमाइला साना खेलहरु समेत प्रस्तुत गरिनेछ । त्यो मात्र होइन केहि उपहारहरु पनि दिने कार्यक्रम छ । ठाउँ भने अर्लिङ्ग्टनमा रहेको टेक्सास बिस्व बिद्यालयमा रहेको लोन स्टार अडिटोरियममा हुनेछ । बर्तमान अमेरिकी सरकारको आप्रबासी र बिदेसी बिद्यार्थीहरु माथिको नकारात्मक नियम कानुनहरु कडा रुपमा लागु गर्ने नीति रहेको अबस्थामा यो सेमिनार नेपाली बिद्यार्थीहरुको लागि यो सेमिनार अत्यन्त उपयोगी हुने देखिन्छ । निशुल्क उपलब्ध यो अवसर उपयोग गर्न नेपाली समाज टेक्सासकि बिद्यार्थी तथा युवा संयोजक श्रद्धा श्रेष्ठले सबै बिद्यार्थीहरुलाई आग्रह गरेकी छिन ।
