ट्रंपको टाउको दुखाउने ओमारोसा को हुन् ?

ओमारोसा यतिबेला अमेरिकाका हरेक समाचार माध्यमहरुको मसला हो। खलपात्रको रुपमा होस् वा पात्रको रुपमा उनी जताततै छाएकी छन् । दक्षिणपन्थी विचार राख्ने फक्स न्युज र रास्ट्रपति ट्रंपले जे गरे पनि ठिक भन्नेले उनको बिस्वस्नियता माथि प्रश्न उठाउंदै उनलाई उनी एक खलपात्र भएको, बिस्वस्घात गरेको र झुठो बोलेको, व्हाइट हाउसमा गरेको कामलाई भजाएर पैसा बटुल्न खोजेको आरोप लगाउंदै उनलाई चित्रित गरेका छन् । उक्त लाइनमा सबभन्दा पहिले उभिएका छन् रास्ट्रपति ट्रंप जसले उनलाई “कुकुर” नाम दिएर पछिल्लो ट्विट गरेका छन् । अर्को लाइनमा छन् मुलधारका मिडियाहरु जसले उनलाई प्रशस्त समय दिएर सहयोग गरिरहेका छन् । जसका कारण “द एप्रिण्टाइस” नामक रियालिटी शो कि खलपात्र ओमारोसा यत्रतत्र सर्बत्र फैलिएकी छिन । यो सबैको कारण उनले प्रकाशित गर्न लागेको नयाँ पुस्तक “अन्हिञ्ज्ड” हो ।

चुनावी अभियानमा ट्रंपको प्रचार गर्दै ओमारोसा

को हुन् ओमारोसा ?
बोलाउंदा ओमारोसा भनिए पनि उनको वास्तविक पुरा नाम ओमारोसा मनिगल्ट न्युम्यान हो । उनी ओहायो राज्यको योंग्सटाउनमा जन्मेकी हुन् । ओमारोसा ७ बर्षको हुँदा उनका बुबा थोमस मनिगल्टको हत्या भयो । हवार्ड बिस्वबिधयालयबाट बिद्याबारिधी गरेकी ओमारोसाले आम संचारमा स्नातकोत्तर गरेकी छिन । बिल क्लिन्टन रास्ट्रपति हुँदा उनी उप रास्ट्रपति अल गोरको कार्यालयमा काम गरिन । उनि २००४ मा एनबिसी टेलिभिजनको द एप्रेण्टाइस नामक रियालिटी शो बाट चर्चामा आइन । २०१३ मा फेरी डोनाल्ड ट्रंपद्वारा संचालित अर्को रियालिटी शो “अल स्टार सेलिब्रिटी एप्रिण्टाइस” मा संलग्न भईन । जुनसुकै कार्यक्रममा पनि उनी राम्रो वा नराम्रो जे भए पनि केन्द्रबिन्दुमा रहिन । त्यहि चर्चाकै कारण डोनाल्ड ट्रंपले ३ पटक सम्म कार्यक्रममा राखे र निकाले । तर ट्रंपको चुनावी अभियानमा काला जातिको भोट जित्नको लागि उनले फेरी उनलाई जागिर दिए । रास्ट्रपतिमा जिते पछि पनि ट्रंपले बार्षिक एकलाख उनानअसी हजार डलरको व्हाइट हाउस सहयोगीको जागिर दिए । व्हाइट हाउसको पश्चिमी भागमा उनलाई आवतजावत खुला थियो जहाँ रास्ट्रपति ट्रंप बस्थे ।
त्यतिबेला व्हाइट हाउसमा रायन प्रिबस प्रसासन प्रमुख थिए । उनी व्हाइट हाउसबाट बाहिरिए पछि जोन केली चिफ अफ स्टाफ नियुक्त भए । त्यसपछि मात्र ओमारोसाका दिन गन्ति शुरु भएको मानिन्छ ।

ट्रंप राम्रो काम भन्दा पनि आफु प्रति बफादार मान्छे राख्न रुचाउछन । ट्रंपका विरोधीहरुले ट्रंपको सामु शिर निहुर्याउनु पर्छ भन्ने अभिव्यक्ति दिएर ट्रंपलाइ उनले हदै सम्मको साथ दिएकि थिइन जतिबेला ट्रंपमाथि चौतर्फी आक्रमण भैराखेको थियो । तर जोन केलीले ट्रंपको बिरुद्धमा गएर ओमारोसालाइ व्हाइट हाउसबाट बिदा गरे । यो कुरा ओमारोसाले सार्बजनिक गरेको अडियो रिकर्डिङ्गबाट समेत प्रस्ट हुन्छ । बर्खास्त भएको अर्को दिन डोनाल्ड ट्रंप ओमारोसासंग कुरा गर्दै आफुलाई यो कुरा थाहा नभएको र उनी व्हाइट हाउस छोडेको आफुलाई मन नपरेको कुरा ओमारोसासंगको फोन कुराकानीमा ट्रंपले व्यक्त गरेका छन् ।
पक्कै पनि ओमारोसाको बिगत हेर्दा उनको बिस्वस्नियता निकै कम छ । तर ट्रंप र उनको प्रसासनको काम गर्ने तरिकाको भने यसले राम्रै संग उजागर गरिदिएको छ । हरेक कुरामा आफुलाई मात्र केन्द्रबिन्दुमा राख्ने ट्रंपले आफ्नो व्यक्तिगत फाइदाको लागि जसलाई पनि जागिर दिने तर आफ्नो व्यक्तिगत फाइदा नहुने अबस्थामा अत्यन्त तल्लो स्तरमा झरेर गालि गर्ने गर्छन ।
जे भए पनि ओमारोसाद्वारा लिखित “अन्हिञ्ज्ड” पुस्तक संगै उनको चर्चा अमेरिकामा चुलिएको छ । उनले दिएका हरेक अन्तरबार्तामा डोनाल्ड ट्रंप हरेक तरहले रास्ट्रपति हुन अयोग्य रहेको जिकिर गर्दै आएकी छिन । अर्को आस्चर्यचकित पार्ने कुरा त के छ भने उनले पुस्तकमा उल्लेख हरेक कुराको प्रमाण आफु संग रहेको उल्लेख गरेकी छन् । पक्कै पनि उनको काम राम्रो त छैन तर ट्रंपको दुनियामा भने यो सामान्य हो । प्रोपोगान्डा, झुठ, व्यक्तिगत आक्रमणको जगमा निर्मित ट्रंपको रास्ट्रपतिको आसनमा ओमारोसालाई गलत बनाउने कुनै नैतिक आधार छैन । प्रस्तुति: लेखनाथ गौतम