दिबंगत स्रष्टा घतानीको परिवारलाई कल्याणकारी कोषबाट २५ हजार सहयोग
हृदयघात बाट निधन भएका संगीत संयोजक तथा गितारबादक बबी घतानीका परिवारलाई संगीतकर्मी कल्याणकारी कोष बाट २५ हजार रुपैया सहयोग गरिएको छ ।
घतानीलाई अन्तिम श्रद्धाञ्जली दिन संगीतकार संघ नेपालका बरिष्ठ उपाध्यक्ष शुनिल मास्के सहितको संगीतकर्मीहरुको टोली शिक्षण अस्पताल पुगेको थियो ।
अस्पताल परिसरमै उक्त सहयोग रकम घतानीका आफन्त संगीत संयोजक फणिन्द्र राईलाई हस्तान्तरण गरिएको हो ।
दार्जीलिङका स्थायी घर भएका घतानीले थुप्रै नेपाली गीतको संगीत संयोजन गरेका छन । ४७ बर्षिय घतानीकोे असामयिक निधन प्रति संगीतकर्मीले दुख ब्यक्त गरेका छन । उनको अन्तिम संस्कारका दार्जीलिङमा गरिने भएको छ । 
संगीतकर्मी हरुलाई मर्दा पर्दा सहयोग गर्ने उद्धेश्यले संगीतकार संघ नेपालले स्थापना गरेको कोष बाट अहिले सम्म १० जना सर्जक संगीतकर्मी एकजना रंग पत्रकारको औषधी उपचारमा र ८जना सर्जकको निधनका बेला कोषबाट ३लाख ८८ हजार ९सय १६ रुपैया सहयोग गरिएको छ ।