अमेरिकी विद्यालयमा गोली प्रहार
संयुक्त राज्य अमेरिकाको टेक्सास राज्यस्थित एक विद्यालयमा एक विद्यार्थीले गोली चलाउँदा कैयौंको ज्यान गएको बताइएको छ।
प्रहरीले मारिनेहरुमध्ये धेरैजसो विद्यार्थीहरु भएको बताए।
प्रहरीले सन्दिग्ध हमलाकारी एकजना विद्यार्थीलाई पक्राउ गरेकाछन्।
अमेरिका: विद्यालयमा गोली चल्दा १७ मारिए
बन्दुक राख्न पाउने कानूनमा कडाइ गर्न माग
प्रहरीले विद्यालय परिसर र बाहिर पनि विष्फोटक पदार्थहरु बरामद गरेको जनाएका छन्।
गोलीकाण्ड
ह्युस्टन शहरभन्दा झण्डै ६५ किलोमिटर टाढा रहेको सान्ताफे माध्यमिक विद्यालयमा सो गोलीकाण्ड भएको थियो।
कम्तीमा आठ जनाको ज्यान गएको प्रारंभिक विवरणहरुमा जनाइएको छ।
हताह तिको संख्या बढ्न सक्ने अनुमान गरिएको छ।
गत फेब्रुअरी महिनामा फ्लोरिडा राज्यको पार्कलेण्डस्थित मर्जोरी स्टोनमेन डग्लस हाइ स्कूलमा गरिएको गोली काण्डमा १४विद्यार्थी सहित १७ जनाको ज्यान गएको थियो।
त्यस पछि बन्दुकको खुलाबिक्रीमानियन्त्रण गरिनुपर्ने माग गर्दै देशैभरि प्रदर्शनहरु गरिएका थिए।
अमेरिकी राष्ट्रपति डोनल्ड ट्रम्पले विद्यालयहरुमाशिक्षकहरुलाई बन्दुक राख्नदिइनु पर्ने बताए पछि त्यसको आलोचना गरेको थियो।(बिबिसी नेपालबाट)