मे १९ मा “सुगम पोख्रेल लाइभ इन डालस” हुने
मे पोख्रेल९ डालस, टेक्सास। मेलोडी किङ्गको नामले नेपाली सांगीतिक आकाशमा लोकप्रिय सुगम पोख्रेल यहि मे १९ गते सनिबार डालसमा आफ्नो प्रस्तुति दिने भएका छन्। अमेरिका विभिन्न शहरहरुमा आफ्नो गलाको जादु प्रस्तुत गर्ने क्रममा उनी डालस आउन लागेका हुन्। बिगत केहि हप्ता देखि अमेरिकामा छन्। अमेरिकाका करिव ३० वटा शहरहरुमा उनले आफ्नो स्वरको जादु मार्फत नेपालीभाषी दर्शक श्रोताहरुलाई मनोरंजन दिनेछन ।
डालसमा हुने कार्यक्रम डालसमा रहेका सक्रिय युवाहरुका बिभिन्न संस्थाहरुले संयोजन गर्दैछन। आहा प्रोडक्सन, डिजे रीत इण्टर्टेन्मेण्ट, फ्युजन इन्टरनेसनल, प्रो लिगेसी र एसएम इण्टर्टेन्मेण्टले आयोजना गर्न लागेको यो “सुगम पोख्रेल लाइभ इन डालस” डालसमा रहेको दक्षिण लमार स्थित साउथ साइड बलरुममा साँझ ८ देखि राती २ बजे सम्म संचालन हुनेछ । सुगम पोखरेलको कार्यक्रम संगै स्थानीय कलाकारहरुका नृत्य र गायन समेत समाबेस छन्।