संगीत उत्पादक समाजको साधारणसभा शुक्रबार हुदै उपाध्यक्ष र महासचिव निर्बिरोध

संगीत उत्पादक समाज नेपालको तेश्रो साधारण सभा शुक्रवार हुदै छ ।
प्रतिलिपि अधिकार रजिष्ट्रारको कार्यालयका रजिष्ट्रार राजेन्द्र सिग्देलको प्रमुख आथिथ्यमा भोली बिहान ११ बजे कमलादीमा हुने तेश्रो साधारण सभाले दोश्रो कार्याकालका लागि नयाँ नेतृत्व चयन गर्ने छ ।
२०७ जना सदस्य रहेको समाजको बर्तमान नेतृत्वले रोयल्टी संकलन र वितरणमा सकारात्मक कार्य गरेकोले पुरानै नेतृत्वलाई दोहोराउनु पर्ने आवाज उठेपनि मतदान बाटै नेतृत्वको टुङ्गो लाग्ने भएको छ ।
आज सुरु भएको निर्वाचन प्रकृयामा ९ सदस्यीय कार्य समतिका लागि १७ जनाको उमेद्धवारी परेको छ ।
निर्वाचन समितिका प्रमुख अधिबक्ता तारा श्रेष्ठका अनुसार उपाध्यक्ष पदमा निबर्तमान कार्य समितिका उपाध्यक्ष सुर्य मगर र महासचिवमा निबर्तमान कार्य समितिका महासचिव हुम गैरैको मात्र उमेद्धवारी परेको छ । मगर र गैरै निर्बिरोध भएका छन ।
अध्यक्षमा निर्वतमान अध्यक्ष निर्मलराज ढकाल र सुवास रेग्मीको उमेद्धवारी परेको छ । ढकालले एक कार्यकाल कुशलता पुर्वक सम्पन्न गरेकाले आफूलाई सदस्यहरुले दोहोराउन चाहेकोले उमेद्धवारी दिएको बताएका छन ।

आफनै कार्यकालमा एनसेल, एनटिसि र यातायातको रोयल्टी संकलनको कार्य भएकाले त्यसलाई ब्यबस्थित बनाउन एक कार्यकाल आफू दोहोरिदा उचित हुने देखेर उमेद्धवारी दिएको ढकालले बताए ।
अध्यक्ष पदका अर्का उमेदवार रेग्मी उत्पादक समाजभित्र अनियमितता भएको आरोप र संगीत क्षेत्र शुद्धिकरणको नारा सहित मैदानमा उत्रेका छन । रेग्मी करिव एकदशक देखी संगीत क्षेत्रमा क्रियाशिल छन । तर उनका अभिब्यक्तिले धेरै संगीतकर्मीहरु उनि प्रति सकारात्मक देखिदैनन ।
अघिल्लो निर्वाचनमा पनि ढकाल र रेग्मी प्यानल बनाएर निर्वाचनमा गएका थिए । तर रेग्मी प्यानलबाट एकजना उमेदवार मात्र बिजयी भएका थिए ।
कार्यसमितिको सचिव र कोषाध्यक्ष पदमा दुई दुई जनाको उमेद्धवारी परेको छ । सचिव पदमा शुनिल लामिछाने र रामकुमार सिवाकोटी र कोषध्यक्ष पदमा बाबुराम बोहरा र राजशुक्र लिम्बुको उमेद्धवारी परेको छ ।

त्यसैगरी ४ सदस्य पदका लागि ९ जनाको उमेदवारी परेको छ । सदस्य पदका लागि सन्तोष केसी, टुकराज काफ्ले, केशव सापकोटा,जमुना राना,खगेन्द्र कुमार लिम्बु, तोरण गुरुङ्ग,धनकुमार ज्ञाङमी, उमेश गुरुङ्ग र बिमल अधिकारीको उमेदवारी परेको छ ।

भोली बिहान ११ बजे उदघाटन सत्र शुरु हुने र दोश्रो सत्र २ बजे पछि शुरुहुने समजाले जनाएको छ ।