नेपाल विश्वकप छनोटको समूह बी मा, पहिलो खेल जिम्बाबेसँग

सन् २०१९ मा इंग्ल्याण्डमा हुने एकदिवशीय विश्वकपका लागि छनोट प्रतियोगितामा नेपाल समूह बीमा परेको छ ।
नामिवियामा भएकाे डिभिजन टू मा युएर्इसँग पराजित भएपनि विश्वकप छनाेटमा नेपालकाे समूह टुङ्गो लागेकाे हाे ।
जिम्बाबेको हरारेमा यसै महिना हुने प्रतियोगितामा नेपाल अफगानिस्तान, जिम्बाबे, स्कटल्याण्ड र हङकङसँगै समूह बी मा परेको हो ।
नेपालले पहिलो खेल फागुन २० गते जिम्बाबेसँग खेल्नेछ ।
नेपालले दोस्रो खेल फागुन २४ गते स्कटल्याण्डसँग, तेस्रो खेल २६ गते अफगानिस्तानसँग र समूहको अन्तिम खेल २८ फागुनमा हङकङसँग खेल्नेछ ।
समूहको शीर्ष तीनभित्र रहन सके नेपालले सुपर सिक्समा स्थान बनाउनेछ भने एकदिवशीय मान्यताका लागि पनि योग्य हुनेछ ।(साभार:cricnepal)