गीत संगीतकर्मीको एकताले छोटो समयमा नेपालमा गीत संगीतको सार्बजनिक प्रयोग बापत श्रष्टाले प्राप्त गर्ने रोयल्टी ब्यबस्थापन प्रभावकारी बन्दै गएको संगीतकर्मीहरुले बताएका छन ।

सनिबार संगीत रोयल्टी संकलन समाज नेपालको दशौ बार्षिक साधारण सभामा बोल्ने बक्ताहरुले अन्य मुलुकको अभ्याससंग तुलना गर्ने हो भने नेपालमा दशवर्ष भित्रमा रोयल्टी संकलन र ब्यबस्थापनमा उल्लेख्य उपलब्धि हासील हुदै गरेको बताएका हुन ।
यद्यपी अझै केहि समय सरकारको प्रत्येक्ष हस्तक्षेपकारी भुमिकाको खाँचौ बक्ताहरुले औल्याएका छन ।

नेपाल प्रतिलिपि अधिकार रजिष्ट्रारको कार्यालयका रजिष्ट्रार राजेन्द्र सिग्देलले प्रमुख अतिथिको मन्तब्य राख्दै रजिष्ट्रारको कार्यालय स्रष्टा सर्जकको अधिकार रक्षागर्न र स्थापित गर्न सधै सहयोगी रहने बताए । सिग्देलले स्रष्टा आफै सचेत हुन आबस्यक रहेको बताए ।
कार्यक्रममा बोल्दै बरिष्ठ गीतकार एबं पूर्व सचिव दिनेश अधिकारीले रोयल्टी ब्यबस्थापनमा ५६ साल देखि आवाज उठाउदै आएको स्मरण गरे । उनले आजका दिनमा रोयल्टी संकलन र ब्यबस्थापनमा सकारात्मक सफलता प्राप्त हुदै गरेको भन्दै अधिकारका लागि सरकारी निकायलाई बेला बेला चिमोटी रहन कार्यसमितिलाई आग्रह गरे ।

संगीतकार संघ नेपालका अध्यक्ष लक्ष्मण शेषले असली स्रष्टा औषधी नपाएर मर्नु पर्ने अबस्था र स्रष्टाका सिर्जना प्रयोगकर्ता आनन्दले घुम्ने अबस्थाको अन्त्यका लागि स्रष्टा एक जुट हुँनै पर्ने बताए । उनले अहिले आशाका किरणहरु फैलिदै गएको भन्दै खुसी ब्यक्त गरे । शेषले अबको पुस्ताले बौद्धिक सम्पत्तिको उपभोग र रक्षाका लागि आन्दोलन गर्नु पर्ने दिन आउन नदिन सबैको साथ सहयोगको अपेक्षा गरे ।
त्यसैगरी प्रस्तोता समाज नेपालका अध्यक्ष तुलसी पराजुली र संगीत उत्पादक समाज नेपालका महासचिव हुम गैरेले तीनवटै सिएमओ एकजुट भएर रोयल्टी संकलन र ब्यबस्थापनमा लागेका कारण सिर्जनाको मोल सर्जकले पाउदै गरेको र यो मात्रा बढदै जाने बिश्वास ब्यक्त गरे ।

संगीत रोयल्टी संकलन समाज नेपालका अध्यक्ष सुरेश अधिकारीले रोयल्टी संकलन र ब्यबस्थापनमा केहि कानुनि र केहि प्राबिधक चुनौती अझै बाँकि रहेकोले त्यसलाई सहज बनाउन सरकारले सहयोग गरे राज्यको कुल ग्राहस्थ उत्पादनको सूचकमा परिवर्तन आउने ठोकुवा गरे ।
कार्यक्रममा एनसेल प्लेटफर्म बाट २०१६ देखी डिसेम्बर २०१७ जुलाई सम्मको सर्बाधिक ब्यापार गर्ने १००गीतका ४० सर्जकलाई रोलल्टी हस्तान्तरण गरिएको थियो ।

जसमा संगीतकार कालि प्रसाद बाँसकोटा ३ लाख भन्दा माथिको रोयल्टी बुझेर पहिलो नम्बरको रोयल्टी प्राप्त गर्ने स्रष्टा बने । त्यसैगरी झण्डै डेढ लाखको रोयल्टी बुझेका संगीतकार राजनराज सिवाकोटी दोश्रो ,१लाख बिस हजार माथिको रोयल्टी प्राप्त गरेर गीतकार पुष्पा खनाल तेश्रो र त्यत्तिनै रोयल्टी बुझेका संगीतकार गोबिन्द मधुर आचार्य चौथो बने ।

दशौ बार्षिक साधारण सभाले कोषाध्यक्ष लोकराज अधिकारीले प्रस्तुत गरेको आर्थिक प्रतिबेदन,रमहासचिव महेश खडकाको तर्फ बाट प्रस्तुत गरिएको प्रगति प्रतिबेदन पारीत गरेको छ । त्यसैगरी एसोशयिट सदस्यको पुरानो मापदण्डलाई साधारण सभाले हाललाई स्थगीत गर्ने निर्णय गरेको छ ।