याङ्गशुले पहिरिन आठौ लिटिल मिस नेपालको ताज:टर्कीमा हुने लिटिल मिस वल्डमा नेपालको तर्फबाट प्रतिनिधित्व गर्ने
देशभरका १ सय १० प्रतिष्पर्धीलाई पछाडी पार्दै ९ बर्षिया बाल कलाकार याङ्गशु श्रेष्ठले आठौ लिटिल मिस नेपालको ताज पहिरिन सफल भएकी छन ।
सनिबार राजधानीमा सम्पन्न प्रतियोगीतामा दाङ्ग बाट भाग लिएकी याङ्गशुले उपाधि संगै नगद दुईलाख पुरस्कार पनि पाइन । लिटिल मिस नेपालको उपाधि संगै उनले ट्यालेन्ट अबार्ड र बेष्ट क्याटवाक अवार्ड पनि प्राप्त गरिन । यो उपाधि संगै अब उनले अर्को महिना टर्कीमा हुने लिटिल मिस वल्र्डमा नेपालको तर्फबाट प्रतिनिधित्व गर्ने छिन ।
नेपाली चलचित्र नाई नभन्नु ल ४ र केहि स्थानिय स्तरमा बनेका चलचित्रमा समेत अभिनय गरेकि याङ्गशु नृत्यमा पोख्त छिन । उनले नेपालका धेरै र भारतका केहि स्थानमा समेत आफ्नो नृत्यकला प्रस्तुत गरिसकेकी छन । केहि समय पहिले उनले गीत पनि रेकर्ड गराएर बाल गायिकाको परिचय पनि थपेकि छिन । प्रसिद्ध संगीतकार महेश खडको संगीत र लोकराज अधिकारीको शब्द रचना यसै पनि म हाँसेको सुहाउछ भन्छन बोलको गीत उनको पहिलो गीत हो । याङ्गशुले आफू जस्तै बाल प्रतिभाको प्रोत्साहनका लागि याङ्गशु फाउण्डेशनका तर्फ बाट एक लाखको अक्षयकोष पनि स्थापना गरेकि छन । संगीतकार संघ नेपालको मातहतमा रहने गरि स्थापना गरिएको अक्षयकोषको ब्याज बाट हरेक बर्ष देशभर बाट छानिएका एकजना १२ बर्ष मुनिको बाल प्रतिभालाई पुरस्कृत गरिने छ ।
त्यसैगरी उनले आफनो प्रस्तुती बाट संकलित रकमको केहि प्रतिशत कटटा गरी खुत्रुकेमा जम्मा गरेको रकम संगीतकर्मी कल्याणकारी कोषलाई हस्तान्तरण गरेकि छन । संगीतकार संघ नेपालले उक्त खुत्रुकेलाई याङ्गशु खुत्रुके नाम दिएर खुत्रुके अभियान चलाउने निर्णय गरेको छ ।
लिटिल मिस नेपालको उपाधि जिते संगै आयोजक मिडिया ल्याण्ड काठमाण्डौले याङ्गशुलाई चलचित्र र बिज्ञापनमा अभिनयको अबसर पनि दिने भएको छ । याङ्गशुको आमा कल्पना श्रेष्ठ पनि चलचित्रकर्मी हुन । उनले एकता नामक चलचित्र निर्माण संगै अभिनय पनि गरेकि छन ।