संगीतकर्मी कल्याणकारी कोषमा गीतकार डि पी परिश्रमीद्धारा ५ हजार सहयोग हस्तान्तरण : गायक तथा गीतकार राजु शाहि द्धारा १० हजार घोषणा
संगीतकर्मी कल्याणकारी कोषमा गीतकार डि पी परिश्रमीले ५ हजार रुपैया हस्तान्तरण गर्नु भएको छ । संगीतकार संघ नेपालले स्थापना गरेको संगीतकर्मी कल्याणकारी कोषमा आफ्नो तर्फ बाट पनि सानो सहयोग गर्न पाएकोमा आफूलाई गर्ब लागेको गीतकार डि पी परिश्रमीले बताउनु भयो ।
यसैगरी दाङ्ग निबासी गायक तथा गीतकार राजु शाहि ठकुरीले आफ्नो तर्फबाट १० हजार दिने घोषणा गर्नु भएको छ । गायक तथा गीतकार राजु शाहि ठकुरीले कोषको सहि सदुपयोग हुनेमा आफू ढुक्क रहेको बताउनु भएको छ । 
संगीतकार संघको कल्याणकारी कोषमा देश विदेशबाट सहयोग रकमहरु जम्मा हुने क्रम जारी रहेको छ । हरेक महिनाको १ गते कोषको विवरण सार्बजनिक गर्ने निर्णय अनुसार संघले पौष १ गते पहिलो विवरण सार्बजनिक गरिसकेको छ । संघका प्रेस सल्लाहकार लोकराज अधिकारीका अनुसार पहिलो विबरणमा कोषमा २ लाख ६६ हजार ८०७ रुपैया थपिएको छ । नेपाली संगीतकर्र्मी हरुका लागि मर्दा पर्दा सहयोग गर्ने उद्धेश्यले स्थापना गरिएको कोषमा ,अमेरिकामा बस्दै आएका गायक तथा संगीतकार किशोर शिवाकोटीले ५० हजार, गायक तथा समाजसेबी गम्बु शेर्पाले २१ हजार , जर्मनीमा रहेका गीतकार लब थापाले २२ हजार २ सय २२ कोरीया बस्ने संगीतकार डि आर अटु ले १२ हजार , इजरायल बस्ने इन्दिरा केसीले १० हजार इजरायलमै बस्ने अनिता योञ्जनले १० हजार बेलायत बस्ने गीतकार संगीता बायुङ राईले ११ हजार गीतकार तथा रोयल्टी संकलन समाजका उपाध्यक्ष रमेश बिजीले १० हजार , गायक तथा संगीतकार रमेश राज भटटराईले ५ हजार दिने घोषणा गर्नु भएको छ । कल्याणकारी कोषमा सहयोग आउने क्रमसँगै पीडित संगीतकर्र्मीका लागि पनि खर्च भैरहेको अध्यक्ष लक्ष्मण शेषले जानकारी दिनु भएको छ ।
केहि दिन पहिले अमर श्रष्टा मधुवाबु थापाको निधनमा शब यात्राका लागि चाहिने प्लेकार्ड, फ्लेक्स निर्माण देखी , शबलाई शबदाह गृह सम्म लाने र बिद्युतिय शबदाह गृहले लिने सबै शुल्क कोष बाट ब्यबस्था गरिएको थियो । यसैगरी क्यान्सर पीडित संगीतकार निरज कुमारलाई औषधि बापतको २० हजार, प्रसिद्ध लोकगायक तथा अभिनेताको बुद्धिकृष्ण लामिछानेलाई उपचारका लागि नगद १५ हजार १ सय ११ हस्तान्तरण गर्दै एक बर्षको औषधी खर्च झण्डै १ लाख २० हजार सहयोग जुटाउने प्रतिबद्धता ब्यक्त गरेको छ । त्यसैगरी मिर्गौला पीडित संगीत व्यवसायी शिव पौडेललाई १ हजार एक रुपैयाँ सहयोग हस्तान्तरण भैसकेको छ ।