पत्रकार सञ्जय न्यौपानेको निधन-युएस एण्ड नेपाल परिवारद्धारा दुख ब्यक्त
मस्तिष्क स्नायुसम्बन्धी रोगबाट पीडित पत्रकार सञ्जय न्यौपानेको ४५ वर्षको उमेरमा आज साँझ निधन भएको छ ।
ललितपुरस्थित नेपाल क्यान्सर अस्पतालमा उपचारका क्रममा साँझ उहाँको निधन भएको हो ।
कान्तिपुर दैनिक लगायत नेपाल आर्थिक पत्रकार समाजमा पूर्वउपाध्यक्ष एवम् कारोबार राष्ट्रिय दैनिकका पूर्वसम्पादक रहेका न्यौपानेका श्रीमती एक छोरो एक छोरी हुनुहुन्छ ।
स्वर्गीय न्यौपानको आजै राति पशुपति आर्यघाटमा दाहसंस्कार गरिने उहाँको पारिवारिक स्रोतले जनाएको छ ।
यसैबीच नेपाल पत्रकार महासंघका अध्यक्ष डा महेन्द्र बिष्ट , प्रेस युनियनका महासचिव अजय बाबु सिवाकोटी केन्द्रिय पार्षद लोकराज अधिकारी सहित सञ्चारक्षेत्रमा कृयाशिल संघसंस्था र ब्यक्तिहरुले न्यापानेको निधनमा दुख ब्यक्त गरेका छन । युएस एण्ड नेपाल परिवारले पनि गहिरो दुख ब्यक्त गर्दै शोक सन्तप्त परिवार प्रति समबेदना प्रकट गरेको छ ।