बेष्ट पर्फमर सिजन २ मेगा राउण्डको नतिजा सार्बजनिक (भिडियो सहित)
अमेरिकामा रहेका नेपालीहरुको गायनकला लाई अगाडी बढाउन गएको बर्ष देखी सुरु भएको गायन प्रतिष्पर्धाको दोस्रो सिजनको मेगा राउण्डको नतिजा सार्बजनिक भएको छ । अडिसन पछि मेगा राउण्डमा प्रबेश गरेका प्रतियोगीको नतिजा सार्बजनिक गरिएको हो । प्रतियोगीताका निर्णायक हरुमा नेपाल बाट बरिष्ठ संगीतकार सुरेश अधिकारी र अमेरिका बाट संगीतकार डम्बर खापुंग सुब्बा र महेश थुलुङ रहनु भएको छ । मेगा राउण्डमा अतिथि जजका रुपमा बिश्वास गुरुंग पनि सहभागी हुनु भएको थियो , आयोजक समूहका कार्यक्रम निर्देशक तथा कार्यक्रमका प्रस्तोता भोला ढुंगानाले जानकारी दिएका छन । टाइटल स्पोन्सर बर्षा ज्वैलरीका प्रोपराइटर भानु फूयालले नेपाली गीत संगीतको उत्थानमा केहि गर्ने मौका मिलेको भन्दै प्रतियोगीता असाध्यै प्रभावकारी भएको प्रतिकृया दिएका छन ।”कलाकार हाम्रो होईन राम्रो हुनुपर्छ” यही मुल नाराका साथ सुरू गरिएको प्रतियोगीता बाट टप २ छानिने आयोजक सक्षम ग्रुपले जानकारी ले दिएको छ ।