पहिलो गीतको पहिलो रोयल्टी नै पानी अभियानलाई दिए गीतकार कटवालले
गीतकार प्रबिण कटवालले आफनो पहिलो गीतको पहिलो रोयल्टी दाङ्ग जिल्लाको करोड पानी अभियानलाई दिएका छन । म्यूजिक संसार नेपाल प्रालीले दिएको अनलाइन बिक्री र यु ट्युवको अग्रिम रोयल्टीमा थप गरी गीतकार कटवालले २ हजार २० रुपैया दाङ्ग जिल्लाको करोड पानी अभियानलाइ हस्तान्तरण गरेका हुन । 
म्यूजिक संसार नेपाल प्रालीले संस्थालाई गीत तथा भिडियो उपलब्ध गराउने स्रष्टा एबं उत्पादकलाई अग्रिम रोयल्टी दिदै आएको छ । यस अघि पुष्पा खनालको गीत लाई अग्रिम रोयल्टी दिएको थियो । गीतकार प्रबिण कटवालले यो महा अभियानमा आफु एउटा हिस्सा बन्न पाएकोमा खुसी ब्यक्त गर्दै अभियानको सफलताको कामना गरेका छन ।
कटवालले रचना गरेको गीत गोबिन्द मधुर आचार्यको संगीत र स्वरुपराज आचार्यको स्वर रहेको तिम्रो संझना मात्र पनि बोलको गीत म्यूजिक संसार नेपाल प्रालीले अनलाइन अनलाइन बिक्री र यु ट्युव प्रमोशन गरेको छ । आज राजधानीमा आयोजीत एक अनौपचारीक कार्यक्रममा संगीत रोयल्टी संकलन समाजका कोषाध्यक्ष लोकराज अधिकारी मार्फत गीतकार कटवालले पानी अभियानका लागि सो रकम हस्तान्तरण गरेका हुन । सबैको घरमा खाने पानकिो धारो होस सबै गाउँमा सिचाई होस भन्ने नारा सहित सुरु भएको यो अभियानमा देश बिदेश बाट सहयोग र समर्थन जुटेको अभियन्ता मित्रलाल पार्देले जानकारी दिएका छन । यसैबीच सुचना बिभागका अधिकृत एबं गीतकार कटवाललाई अभियानले धन्यवाद दिदै आभार प्रकट गरेको छ ।