बेष्ट पर्फमर सिजन २ को मेगा राउण्ड सुरु (भिडियो सहित)

अमेरिकामा रहेका नेपालीहरुको गायनकला लाई अगाडी बढाउन गएको बर्ष देखी सुरु भएको गायन प्रतिष्पर्धाको दोस्रो सिजनको मेगा राउण्ड सुरु भएको छ । मेगा राउण्डको पहिलो अंक सार्बजनिक भएको । बर्षा बेष्ट पर्फमर सिजन २ मा यस बर्ष पनि उत्साहजनक सहभागीता रहेको सक्षम ग्रुपले जानकारी दिएको छ । अहिले अडिसन पछि मेगा राउण्ड चलीरहेको छ । प्रतियोगीताका निर्णायक हरुमा नेपाल बाट बरिष्ठ संगीतकार सुरेश अधिकारी र अमेरिका बाट संगीतकार डम्बर खापुंग सुब्बा र महेश थुलुङ रहनु भएको छ । मेगा राउण्डमा अतिथि जजका रुपमा बिश्वास गुरुंग पनि सहभागी हुनु भएको छ । अघिल्लो सिजनबाट सिकेका कुरा संगै थप नयाँ उत्साहका साथ दोश्रो सिजन अगाडी बढेको आयोजक समूहका कार्यक्रम निर्देशक तथा कार्यक्रमका प्रस्तोता भोला ढुंगानाले जानकारी दिएका छन । टाइटल स्पोन्सर बर्षा ज्वैलरीका प्रोपराइटर भानु फूयालले नेपाली गीत संगीतको उत्थानमा केहि गर्ने मौका मिलेको भन्दै प्रतियोगीता असाध्यै प्रभावकारी भएको प्रतिकृया दिएका छन ।”कलाकार हाम्रो होईन राम्रो हुनुपर्छ” यही मुल नाराका साथ सुरू गरिएको प्रतियोगीतामा करिब २०० को हाराहारिबाट छनोट हुँदै हाल मेरा राउण्ड सम्म आई पुगेको र यसरीनै क्रमश छनोट हुँदै टप २ छानिने आयोजक सक्षम ग्रुपले जानकारी ले दिएको छ ।